Xefe Departamentu Sekretaria Estadu Igualidade Jeneru no Inkluzaun (SEII) ba asuntu Abordajen Integradu Jeneru, Hermínio Xavier. Imajen/Nelson de Sousa

DILI, 21 outubru 2019 (TATOLI)-Iha novembru, tinan ne’e, Estadu Timor-Leste, liuhosi Sekretáriu Estadu Igualdade no Inkluzaun (SEII) sei hatama relatóriu The Convention on the Elimination of all forms Discrimination Against Women (CEDAW) ba Organizasaun Nasoins Unidu (ONU)  kona-ba eliminasaun no diskriminasaun oioin hasoru feto.

Notísia Relevante: Relatóriu SEII: Feto Kazada Porsentu 59 Hetan Violénsia Fízika

Timor-Leste ratifika ona konvensaun ONU ne’e iha tinan 2003 liubá tanba ne’e kada tinan haat iha devér atu relata ba ONU.

Xefe Departamentu  Abordajen Integradu Jéneru,  Hermínio Xavier, hatete, relatóriu ne’e atu haree progresu saida maka Estadu Timor-Leste kria ona ba feto sira, liuliu asesu ba edukasaun, saúde, justisa no seluk tan.

Notísia Relevante: TL Aprezenta Prioridade Tolu Iha Novaiorke

Daudaun ne’e, SEII hala’o hela konsultasaun ho liña ministeriál sira hanesan, Ministériu Justisa, Ministériu Saúde, Ministériu Edukasaun, Ministériu Solidariedade Sosiál no Inkluzaun (MSSI), Sekretáriu Estadu Polítika Formasaun Profisionál no Empregu, parseiru internasionál no sosiedade sivíl hodi elabora relatóriu ikus antes aprezenta ba ONU.

Notísia Relevante: Peskiza UN Woman: Asédiu Seksuál Akontese Barak Liu Iha Fatin Públiku

Atu konklui relatóriu ne’e ho lalais, Hermínio Xavier, husu ba Ministériu relevante atu kontribui informasaun  liuliu ba progresu saida maka  Governu implementa ona durante tinan haat, hosu 2015-2019.

Antes submete relatóriu ne’e ba ONU, SEII iha tempu badak sei haruka ba Konsellu Ministru hodi halo apresiasaun.

Konvensaun Internasionál CEDAW ho nia vizaun mak halo eliminasaun   ba diskrisaun oioin hasoru feto.

Jornalista :Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here