Prezidente Autoridade RAEOA-ZEESM, José Luís Guterres ‘Lugu’. Imajen/António Gonçalves

DILI, 21 novembru 2019 (TATOLI) – Prezidente Autoridade Rejiaun Administrativu Espesiál Oe-Cusse Ambeno (RAEOA) no Zona Ekonomia Espesiál Sosiál Merkadu (ZEESM), José Luis Guterres “Lugu”, kontinua halo konsultasaun ho membru Governu, sosiedade sivíl ho entidade relijiozu sira, molok hala’o servisu iha Oe-Cusse.

Notísia Relevante :Lugu Triste Bainhira Simu Dadus Kona-ba Ró Haksolok 

 “Ha’u hanoin atu kompleta estrutura RAEOA- ZEESM, ami sei haree hela, tanba presiza konsulta mós ho partidu sira ne’ebé mak maioria iha Parlamentu Nasional, membru governu, sosiedade sivíl ho entidade relijioza sira,” hateten José Luis Guterres, ohin, hafoin halo enkontru kortezia ho Ministru Justisa, Manuel Cárceres da Costa iha Edifísiu Ministériu Justisa.

Notísia Relevante : Planu dahuluk Hafoin Simu Pose, Lugu Sei Kompleta Formasaun Estrutura

Lugu mós kompromete sei envolve Baikenu-oan iha estrutura RAEOA-ZEESM atu bele fasilita servisu ida ho efikásia no efisiénsia, liuliu halo atendimentu ba Baikenu-oan sira iha postu administrativu haat iha Oe-Cusse, hanesan Passabe, Nitibe, Oesilo no Pante Makasar.

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here