Embaixadór Vegar Kaale. Imajen: Cifor

DILI, 11 Novembru 2019 (TATOLI)-Reprezentante Governu Noruéga, Embaixador  Vegard Kaale hateten, ODS (Objetivu Dezenvolvimentu Sustentável) 16 (Pás, justisa no instituisaun efikásia), hanesan fundamentu atu atinje ODS seluk, harii no simu demokrasia iha nasionál, rejionál no lokál hanesan liafuan xave ida.

“Asesu ba justisa, transparansia no kontabilidade, sistema taxa efetivu, maioridade media no ambiente sosiedade, garantia partisipasaun feto, pás no prosesu rekonsiliasaun hanesan komponente  importante seluk atu atinje ODS 16,” hateten Embaixadór Vegard, iha diskursu iha ámbitu konferénsia internasionál kona-ba ODS 16, iha edifísiu Ministériu Finansa, Aitarak laran, ohin.

Notísia relevante: Aprezentasaun Relatóriu ODS iha Nova Iorke, Timor-Leste Hetan Apresiasaun

Nia hatutan, pontu importante no kondisaun barak tebes atu atinje ODS 16. Iha parte ne’e, embaixadór ne’e refere liubá rikeza ne’ebé Timor-Leste iha hanesan Minarai no mós animál tasi nune’e mós sistema taxa no ekonomia país nian. Katak, Timor-Leste iha ona rikeza naturál hanesan Mina no Gás ne’ebé hanesan parte signifikante tebes iha ekonomia nasaun nian.

“Hafoin Independénsia Noruéga asiste Timor-Leste nia estabilidade fundu petrolíferu bazeia ba esperiénsia fundu petróleu ami nian. Jere rekursu natureza ho sustentavel  no universál, maneira ida iha parte finansiamentu ba atinje ODS 16”.

Maneira seluk fali, tuir embaixadór Noruéga ne´e maka hanesan atinje maneira kona-ba rikusoin ne’ebé oferese hosi tasi hanesan ai-horis no animal tasi sira.

Tuir fali mai segundu maka efetividade no transparansia ba taxa ho sidadaun sira, polítiku na´in sira tenke matenek jere taxa ba ema hotu nia di’ak, ema labele foti vantajen de’it ba nia  an. Ida ne’e maka issu no alokasaun promosaun ba taxa iha nasaun hotu. Terseiru, tenke garantia katak media no sosiedade sívil sira aparénsa ho di’ak. Garantia katak instituisaun demokrátiku tenke informa notisia ne’ebé klaru, laiha manipulasaun ba iha publikasaun iha media iha mundu tomak, ida ne’e sai nudar dezafiu ida ne’ebé afeta tebes regra atu harii pás, justisa no instituisaun ida ne’ebé forte

“Presiza serbisu maka´as liuliu setór hotu no instituisaun sira hotu hodi bele atinje ODS 16 iha tinan 2010. Fiar katak liuhosi fahe esperiénsia iha konferénsia ne’e, sei kria progressu ne’ebé forti. Ha´u bele garantia katak Noruéga bele fó asisténsia no adapta nia parseiru ba iha ODS 16,” konklui DiplomataVegard Kaale.

Notísia relevante:Reprezentante Nasaun 40 Sei Partisipa Konferénsia ODS Iha Timor-Leste

Jornalista : Nelia Borges

Editór      : Rafy Belo

HAKEREK NO HATÁN

Please enter your comment!
Please enter your name here