Estudante Filial Era Ulu, Letefoho tuir hela fomatura antes atu tama ba sala escola hodi tuir aktividades apredisazen

DILI, 06 Novembru 2019 (TATOLI)-Profesór sira iha Timor-Leste obrigatoriamente obedese ba kompeténsia haat hanesan domina língua (ofisiál), kontéudu, métodu no étika profisionál.

Prezidente INFORDEPE (Institutu Formasaun Dosente no Profisionál Edukasaun), Víctor Brito hateten, kompetensia haat ne´e obriga profesór sira atu kapasita aan liuhusi formasaun língua atu bele komprende hodi bele fahe fali ba estudante sira.

“Ita iha profesór permanente rihun 11 no kontratadu rihun 4 maibé profesór permanente sira ne’e hetan htu ona formasaun lian portugés,” dehan Prezidente Victor Brito ba jornalista sira iha edifísiu INFORDEPE, Matadoru, kuarta (6/11/2019).

Razaun tuir ezekutivu ne´e katak profesór permanente sira-nia estatutu nu´udar funsionáriu públiku. Ne’e duni, tinan rua liubá governu halo parseria ho Institutu Camões hodi realiza Projeitu Formar+ konteúdu kurrikulár. Agora daudaun  profesór sira ne’e avansa ona ba nivel  A2.

Notísia relevante:INFORDEPE Prontu Transforma Abilidade Profesór Sira Iha TL

Bainhira hetan fiar asume fali kna’ar nu´udar Prezidente INFORDEPE, Víctor akresenta katak nia halo fali mudansa hodi muda Projeitu Formar+ ba fali Projeitu Pro Portugués ne’ebé ho intensaun atu fokus de’it língua portugés tanba durante tinan rua resin formasaun ne’e realiza profesór barak mak seidauk dumina portugés.

“Projetu ne’e ita sei realiza iha 2020. Ita garante katak 2022 profesór sira ne’e bele ona koalia portugés hodi reforsa sira-nia apoiu iha prosesu ensinu aprendizajen ba estudante sira,” tenik Prezidente Victor Brito.

Notísia relevante:INFORDEPE Oferese Formasaun Língua Portugeza Nivel A1 Ba Profesór Sira

Jormalista : Tomé Amado

Editór        : Rafy Belo

HAKEREK NO HATÁN

Please enter your comment!
Please enter your name here