Logotipu ESG 5 de Maio

DILI, 06 outubru 2029 (TATOLI)-Eskola públika, Ensinu Sekundária Jerál (ESG) 5 de Maio Becora planea, iha tinan létivu 2020, sei harii tan sala rua ho modelu andar hodi uza nu´udar laboratóriu siénsia nian hodi bele tulun estudante sira hala´o peskiza peskiza no prátika laboratoriál.

Diretór ESJ 5 de Maio, Manuel Verdial. Foto Fontes

Eskola iha ona fundu purvolta rihun sia hodi hodi hahu uluk konstrusaun báziku tanba ne’e ninia prosesu  hotu sei hahú iha inísiu tinan letivu foun 2020.

Diretór ESG 5 de Maio, Becora, Manuel Verdial hateten, parte eskola hakarak aselera prosesu konstrusaun ne’e tanba Ministra Edukasaun, Juventude no Desportu (MEJD) rasik, Dulce de Jesus Soares tau ona fatuk dahuluk iha eskola ne´e.

Notísia relevante:Kontribui Sala Ida Ho Komputadór 30, MEJD Apresia Inan-Aman Estudante 5 de Maio

“Ida ne’e trabalho da casa ida mai ami tan ne’e ami tenke realiza konstrusaun ne’e,” friza Diretór Manuel Verdial ba Ajénsia TATOLI iha ESG 5 de Maio, Becora, kuarta (06/11/2019).

Profesór ne´e dehan, fundu rihun sia ne´ebé eskola prepara ona seidauk to’o maibé ida ne’e kontribuisaun inan-aman estudante sira nian. Kada fulan sira apoiu dolar lima. Inan aman sira posiblidade hakarak ajuda tanba sira haree hetan progresu ruma husi eskola ne’e hatudu. Antes ne’e, sira apoiu dolar ida kada fulan, ninia rezultadu mak eskola konsege realiza sala ida kompleta ho komputadór inklui instalasaun ár kondisionadu (AC).

Tanba ne’e mehi atu hari tan sala rua ne’e ho kondisaun andar hodi bele kompleta ekipamentu Laboratóriu nian atu nune’e estudante sira bele aproveita di´ak liután.

Notísia relevante:Perfil Eskola Ensinu Sekundária Iha Dili: ESG 5 de Maio Becora (II)

Ezekutivu Manuel Verdial  akresenta katak dezenvolvimentu eskola ESG 5 de Maio sei realiza iha 2020. Ne’e duni 2019 hela tan fulan ida fundu ne’ebé inan-aman sira kontribui. Tan ne’e eskola sei konvoka fali enkontru ida ho Konsellu País atu konfirma fali montante ne’ebé iha ona atu nune’e inísiu 2020  bele hala’o ona konstrusaun ne’e.

Notísia relevante:MEJD Sei Kumpleta Infrastrutura Iha 2020

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here