Profesór sira iha ESG 5 de Maio Becora. Foto: https://esg5demaio.wordpress.com/

DILI, 09 outubru 2019 (TATOLI)—Eskola Ensinu Sekundária Jerál 5 de Maio harii iha 2007 ne’ebé harii husi sindikadu ka grupu matenek lubun. Eskola refere harii ho naran dahuluk Eskola Sekundária Klibur Estudante Timor-Leste (KLIHANTIL).

Logotipu ESG 5 de Maio

Eskola ne’e, harii ho administrasaun no estatutu mesak nune’e to’o tinan 2003 estatutu hanesan eskola privadu ne’e  jestaun labele la’o, alunu laiha atu fó rendimentu ba eskola atu selu ba profesór sira, ho nune’e iha tinan 2013 eskola ne’e sira entrega ba Edukasaun Distritál liuhusi Superintendente Edukasaun Distritál Dili mak eskola ne’e la’o to’o ohin loron.

Biban tuir mai, Ajénsia TATOLI haktuir perfil kona-ba Eskola Ensinu Sekundária 5 de Maio Becora, Dili, Timor-Leste.

Funda (Harii): Iha 7 Outubru 2000.

Fundadór: Klibur Sindikatu no Matenek Lubun.

Diretór Eskola Dahuluk: António de Jesus.

Entrega ba Edukasaun Distritál: Tinan 2003.

Muda Naran Eskola: Ba Ensinu Sekundária 5 de Maiu,  29 Marsu 2019.

Diretór Eskola: Manuel Verdial.

Totál Estudante: Hamutuk 1900 resin.

Totál Profesór: ……?

Lema Eskola Nian: Atu transforma  no reforma mentalidade ema ida-nian husi la di’ak ba di’ak. Eskola nia mehi mak hakarak transforma ema ida atu hatene nia-aan nu’udar ema lolos. Katak, nia kakutak ida-ne’e mak labele tau kakutak seluk, hodi bele organiza no lori nia ba iha di’ak.

Vizaun: Prodús estudante finalista ho kapasidade intelektuál maibé natoon iha kontestu globál, iha valór kulturál, morál, spiritual no iha kapasidade atu uza siénsia ho responsabilidade atu dezenvolve nasaun. Serbisu hamutuk ho komunidade internasional hodi bele kria dame no páz ba povu timoroan sira, hodi kria estabilidade ba rekursu umanu no nasaun doben Timor-Leste.

Misaun: Eduka estudante ka prepara rekursu umanu atu sai lideransa husi setór oin-oin liuhusi eskola ida ne’e.

Eduka estudante atu sai profísionál liután no iha kapasidade atu dezenvolve estadu no nasaun.

Eduka estudante atu aumenta sira-nia koñesimentu kona-ba siénsia no aumenta kapasidade iha programa ida-idak iha futuru tanba ne’e Eskola 5 de Maiu la merese atu loke eskola tekniku.

Objetivu: Atu Forma estudante ne’ebé iha hanoin no personalidade ne’ebé di’ak ho karakter sosiál no umanizmu iha teritóriu Timor laran tomak. Signifika, estudante sira mai husi munisípiu 13 kuandu ita forma didi’ak, sira fila ba bele sai pontu naroman iha sira-nia munisípiu sira.

Dezenvolve no haluan tan siénsia no teknolojia hodi esforsu atu uza no hasa’e kualidade moris povu nian enjerál. Prepara estudante atu sai elementu ba povu ne’ebé iha kapasidade ba siénsia liuliu iha  nivél eskola sekundária hodi implementa no dezenvolve siénsia no teknolojia iha futuru. Esforsu seluk hodi kontinua hadi’a kualidade eskola.

Eskola ESG 5 de Maio Forma: Iha 24 Marsu 2014 Konselho dos Pais. Konselho dos Pais ne’e forma tanba tanba orsamentu inan-aman nian. Tanba ne’e, Konsellu País atu nune’e tenke kontrola orsamentu ida ne’e.

Eskola Ensinu Sekundária 5 de Maio, prodús ona rekursu umanu lubuk ida hodi kontribui ba dezenvolvimentu Nasaun ida-ne’e nian. Doutór balun iha Hospital Nasopnál Guido Valadares no balu iha distritu no rejionál sira ne’e, alunu husi Eskola 5 de Maio sira balu serbisu iha ne’ebá, hetan susesu no sai servidór ba rai ida ne’e.

Jornalista: Nelia Borges

Editór      : Rafy Belo

HAKEREK NO HATÁN

Please enter your comment!
Please enter your name here