Bee Manas Marobo.Imajen/ Antonio Gonçalves

MALIANA, 23 outubru 2019 (TATOLI)-Kondisaun infraestrutura ne’ebé estabelese iha fatin turizmu komunitária bee manas Marobo, presiza iha manutensaun. Basa, fasilidade balun, hanesan lampu eletrisidade balun rahun ona, hariis fatin mós balun intupidu  no balun la funsiona.

Bee Manas Marobo.Imajen/ Antonio Gonçalves

Infraestrutura bee manas Marobo, Munisípiu Bobonaro, hatán konstrusaun no reabilitasaun hosi Sekretáriu Estadu Formasaun Profisionál no Empregu  (SEFOPE) iha tinan 2015 ho valor orsamentu $498,860. Maibé to’o agora seidauk iha manutensaun hodi periódika kondisaun infraestrutura balun naksobu no aat.

Notísia Relevante      : Komisaun D Sujere Hadi’a Infraestrutura Báziku iha Bee Manas Marobo

Xefe Suku Ilatlaun, Postu Administrativu Bobonaro, Munisípiu Bobonaro,  Juvinal Pires, foin lalais ne’e, iha Sede Suku Ilatlaun, informa, fasilidade sira ne’e hetan estragus tanba laiha seguransa no seidauk koloka pesoál sira atu kontribui hamoos no seidauk halo manutensaun ba fasilidade sira ne’e.

Notísia Relevante :  2020, MTKI Prioritiza Sítiu Turístiku Ne’ebé Sai Ikóniku Munisípiu Nian

Iha 2017, Autoridade Lokál Suku Ilatlaun foti desizaun hodi halo kobransa ba vizitante doméstika kada ema $0.50 no estranjeiru $1.00. inklui kobra vizitante uza motor selu $1.00 no karreta $ 2.00. Maibé, kobransa ne’e paradu iha tinan 2018 tanba laiha baze legál halo kobransa tanba ne’e presiza baze legál hosi Governu no autoridade munisípiu Bobonaro.

Notísia Relevante      : Projetu Turizmu ‘Com Beach’ Paradu

Reseita hosi kobransa ne’e, informa Xefe Suku Ilatlaun, hodi selu pesoál seguransa no pesoál hamoos ida ne’ebé durante tinan kotuk tau matan ba fatin turizmu komunitária ne’e.

Notísia Relevante      : 2020, MTKI Kontinua Prevee Osan ba Manutensaun Sítiu Turístiku

Autoridade lokál ne’e apela ba vizitante hosi munisípiu no nasionál ne’ebé maka hala’o vizita iha fatin turizmu ne’e atu garante ambiente ida moos no seguru hodi labele soe fo’er arbiru.

Jornalista : Nelson Sousa

Editór       : Francisco Simões

HAKEREK NO HATÁN

Please enter your comment!
Please enter your name here