Matebian Amu João de Deus, SDB. Imajen/Espesiál

DILI, 23 setembru 2019 (TATOLI)Bispu Dioseze Dili, Don Virgilio do Carmo da Silva, SDB, konsidera, Padre João de Deus, nia mate  lori tristeza boot ba Igreja Katóliku Timor-Leste, liuliu ba família boot Salezianu.

Notísia Relevante : In Memoriam: Pe. João de Deus, “Cala-te e Vai”

Bispu Dioseze Dili, Don Virgílio do Carmo da Silva. Imajen/TATOLI

“Ha’u hanoin Pe. João de Deus, SDB, nu’udar primeiru pioneiru ba obra salezianu iha parte lorosa’e ninian,” afirma Bispu Virgilio do Carmo da Silva, SDB, ba jornalista sira, akompaña  mate isin Amu João de Deus, SDB, nian iha kapela Don Bosco, Comoro, Dili,  domingu (22/09/2019).

Notísia Relevante : Padre João de Deus Hakotu iis 

Bispu Virgilio fó sasin katak  amu João hamutuk ho misionáriu sira seluk ne’ebé mak mate ona hanesan Amu Afonso Nacher, SDB, irmaun. Jose Kusy, SDB, no irmaun Carlos Gamba, SDB, mak kuda no hari karizma salezianu hodi hari kongregasaun no família salezianu iha rai timor tinan 1950-ital.

Matebian Amu João de Deus, koñesidu tebes iha povu nia futar matan, liuliu povu no sarani sira iha Parókia Baucau, Fatumaca, Laga no Quelicai. Nia sempre hamutuk no iha ba sarani sira bainhira presiza amu sira nia tulun.

Amu João mós sempre hamutuk no halibur juventude Timoroan sira no muda juventude sira nia vida espirituál.

“Ita Timor agradese ba Maromak tanba haraik ba ita misionáriu laran maus hanesan Amu João de Deus. Nia marka duni istória kmanek iha Igreja Timor no ba povu Timor,” tenik Bispu Virgilio do Carmo da Silva, SBD.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here