Ministru Negósius Estranjeirus no Kooperasaun (MNEK), Dionísio da Costa Babo Soares, Foto Hamutuk ho Ekipa ASEAN "Fact Finding Mission". Imajen/TATOLI

DILI, 11 setembru 2019 (TATOLI)-Ministru Negósiu Estranjeiru no Kooperasaun (MNEK), Dionísio da Costa Babo Soares hato’o parabéns ba ministériu sira hotu ne’ebé halo aprezentasaun di’ak tebetebes iha enkontru hamutuk ho ekipa delegasaun ASEAN “Fact-Finding Mission” foin lalais ne’e.

Ministru Negósius Estranjeirus no Kooperasaun (MNEK), Dionísio da Costa Babo Soares. Imajen/TATOLI

“Hatudu ba ekipa delegasaun ASEAN Fact-finding Mission, ho nível ida aas koñesimentu profundu, mós iha relevánsia di’ak tebetebes ba ita-nia pozisaun, liuliu iha kontestu geopolítiku no geostratéjiku iha rejiaun ninian. Agora ita hein fali segundu no terseiru ne’e atu halo nusa tan, depois ita sei fó nia rezultadu,” kongratula diplomata timoroan, Dionísio Babo Soares iha entrevista ho jornalista, hafoin ramata enkontru Konsellu-Ministru iha Palásiu Governu, ohin.

Diplomata timoroan ne’e hateten, ida ne’e foin primeira vizita sira halo mai Timor-Leste, sira impresaun di’ak hotu husi aspetu polítiku nian ho dezenvolvimentu jerál.

“Ne’ebé, ita aprezenta, saida mak ha’u rekorda husi impresaun informal ne’ebé ko’alia la’ós formál tanba sira seidauk bele halo konkluzaun formál, sira hothotu kontente, hakfodak ho organizasaun ida ne’ebé ita halo liuliu iha aprezentasaun sira”.

Eis-ministru Justisa iha Sestu Governu Konstitusionál ne’e informa, iha razaun ba sira-nia pergunta, resposta ba sira-nia pergunta ne’ebé hothotu mostra katak ita preparadu liu nasaun balun, la’ós hothotu bainhira sira halo parte.

“Maibé ida ne’e foin primeira faze, sei iha tan faze ida segundu no terseiru ne’ebé sei mai halo, ita espera katak ho ida ne’e, depois sira bele tau hamutuk para bele aprezenta ba iha enkontru ne’ebé ministru sira sei halo iha fulan hirak mai,” informa Ministru Dionísio Soares.

Notísia relevante:Ohin, Ekipa Delegasaun ASEAN “Fact-Finding Mission” To’o Ona Iha Timor-Leste

Ekipa Delegasaun ASEAN “Fact-Finding Mission” Enkontru Dahuluk Ho MNEK

Jornalista : Nelia Fernandes

Editór       : Rafy Belo

HAKEREK NO HATÁN

Please enter your comment!
Please enter your name here