COVALIMA, 04 setembru 2019 (TATOLI) –Dekretu Lei Nu.14/2018, loron 17 agostu, define atribuisaun sira ba Ministériu Reforma Lejizlativa no asuntu Parlamentár (MRLAP) atu halo estudu kle’an kona-ba reforma lei sira.
Notísia Relevante : Autoridade Lolotoe Konsidera Lei Kostumeiru Bele Dezenvolve Setór Justisa
Assessor Sósiu Kultura ba Reforma Lejizlativa, Josh Trindade, esplika, atribuisaun hirak ne’e dezenvolve ona iha orgánika MRLAP nian, ne’ebé inklui detallu sira kona ba ninia atribuisaun sira no kompeténsia husi ninia órgaun sira.
Ba ajénsia TATOLI iha ámbitu konsulta publika ezbosu lei kostumeiru no Lei Tradisionál, ohin, iha Munisípiu Covalima, Josh Trindade hateten, reforma lejizlativa ninia objetivu final mak hadi’a kualidade moris sidadaun sira nian, no integra mós iha kumprimentu ba objetivu polítiku jerál sira Governu nian.
Notísia Relevante : MRLAP Hakarak Fó Kbi’it Lei Tradisionál
Tuir nia, asaun polítika kona-ba reforma lejizlativa ida nee buka hadi’a prosedimentu lejizlativu, hahú husi desizaun atu halo lei too diploma lejizlativu sira Governu nian tama iha vigor, liu husi promove koerénsia ne’ebé boot liután funsionamentu sistemátiku ordenamentu jurídiku nian.
Jornalista : Domingos Piedade Freitas
Editór : Francisco Simões
