DILI, 08 agostu 2019 (TATOLI)-Komunidade sira iha area Comoro, Bebonuk ho Bairru Pité, oras ne’e, seidauk bele asesu bee moos ho másimu tanba pipa barak mak kuak no maioria pipa sira ne’e antigu ona.
Notisía Relevante : DNSA Kontinua Halo Manutensaun ba Kanalizasaun Bee Moos
Xefe Departamentu Abastesimentu Agua, Francisco Xavier Pereira, hateten, pipa hirak kuak no antigu ne’e tenke hadi’a no troka. Tanba ne’e, nia parte hatama ona proposta ba ministériu tutela atu bele halo ona tenderizasaun ba hadi’a no troka pipa sira ne’e.
Francisco Xavier Pereira ba Ajénsia TATOLI, ohin, iha nia servisu fatin, Caicoli, Dili, esklarese, Servisu Abastesimentu Agua tau tiha ona programa espesiál ba area refere ba Ministériu Obras Públika no hein de’it tenderizasaun atu se mak manan troka kanu distribuisaun bee moos nian tanba kanu hirak ne’e kleur ona.
Jornalista : Osória A. Marques
Editór : Francisco Simões
