KAK sei aplika sansaun detensaun ho oras 72 ba Viatura Estadu ne'ebé operasuan konjunta sira "prende" iha loron Sábadu ho Domingu, semana-semana. Imajen/ Egas Cristovao

DILI, 14 agostu 2019 (TATOLI)—Operasaun konjunta hosi Komisaun Anti Korrupsaun (CAC-sigla portugés), Diresaun Nasionál Patrimóniu Estadu (DNPE), Diresaun Nasionál Transporte no Terrestre (DNTT) ho Polisia Nasionál Timor-Leste (PNTL) Unidade Tránzitu, prende viatura estadu (karreta ho motor) hamutuk 60 tanba utiliza viatura sira ne’e ba interese privadu.

Notísia Relevante : Uza Karreta Estadu Iha Domingu, Tribunál Aplika Multa $360 Ba Arguido

Motorizada ne’ebé akipa konjunta halo apreensaun iha sábadu ho domingu, semana-semana. Imajen/ Egas Cristovao

Ekipa konjunta ne’e halo operasaun iha sábadu ho domingu, semana-semana, hodi identifika viatura sira Estadu nian ne’ebé utiliza iha loron feriadu (sábadu ho domingu) tenke iha autorizasaun no ba interese servisu.

“Hanesan iha semana hirak liu ba, poor volta viatura Estadu 60 ita rejista ona, liuliu ba apreensaun ba iha viatura no motorizada estadu nian,” informa Komisáriu KAK, Sergio Hornay, ba ajénsia TATOLI, bainhira partisipa semináriu kona ba prevensaun korrupsaun iha Otél Ramelau, tersa (13/08/2019).

Notísia Relevante : KAK Iha Prioridade Haat Ba 2019

Sergio Hornay esplika, diresaun investigasaun KAK nian konsege asegura ona krime balun hanesan uza patrimóniu estadu, balun haruka ona ba Ministériu Públiku, balun iha faze investigasaun.

“Ekipa operasaun konjunta kontinua halo inspesaun ba iha movimentu sira kada fin  semana,” informa Sergio Hornay.

Iha biban nee, Sergio Hornay husu ba funsionáriu sira atu implementa Dekretu Lei númeru 08/2003 kona ba regulamentu atribuisaun no uza veíkulu sira estadu nian ba interese servisu, la’ós ba interese privadu.

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here