Foto Google

DILI, 13 agostu 2019 (TATOLI) – Diretór Jerál Koordenasaun Administrasaun Finansa hosi Ministériu Turizmu Komérsiu no Indústria (MTKI), Luis Fernandes, ohin ba Ajénsia Tatoli, katak molok konsulta populár mákina X-Ray funsiona hikas iha sala very importante person (VIP) iha Aeroportu Internasionál Nicolau Lobato.

“Apoiu ne’e emerjente hodi rezolve jestaun importante ne’ebé ligadu ba loron konsulta populár, tanba antes ne’e Ministru Fidelis hatún ona despaxu atu rezolve lais mákina X-Ray iha aeroportu ne’ebé durante ne’e avaria” katak Luis Fernandes iha nia servisu fatin, Mandarin, ohin.

Mákina Raiu-Xís iha Sala VIP Aeroportu Dili Avaria

Nia husu ba tékniku hosi Ajénsia Nasionál Aviasaun Timor-Leste (ANATIL) atu bele foti X-Ray rua hodi reativa fali iha aeroportu molok loron konsulta populár.

Tuir nia katak mákina X-Ray presiza halo manutensaun, nune’e bele iha kondisaun di’ak nafatin, atu bele deteta sasán karik labele falla.

Mákina X-Ray rua ne’e kondisaun di’ak maske tinan rua nia laran la uza maibé utiliza de’it iha ámbitu konferénsia internasionál.

Governu Planeia Hola Raiu-X Foun

Jornalista : Natalino Costa

Editora     : Maria Auxiliadora

HAKEREK NO HATÁN

Please enter your comment!
Please enter your name here