Povu Viqueque tau ai-funan no sunu lilin iha fatin levantamentu Kararás hodi komemora loron Referendu ba dala-20 (30 agostu 1999-30 agostu 2019). Imajen/Nelson de Sousa

VIQUEQUE, 07 agostu 2019 (TATOLI)-Loron Konsulta populár (Referendu) ne’ebé povu hamriik ba vota iha urna, 30 agostu 1999, sai hanesan xave ba determinasaun destinu Timor-Leste nian hanesan nasaun soberanu no independénsia.

Notísia Relevante : Tera Bulak Husu Ba PM Taur Atensaun Uitoan Ba Viqueque

Liuhosi misa agradesimentu ba komemorasaun loron konsulta populár ba dala-20 (30 agostu 1999-30 agostu 2019) iha Munisípiu Viqueque, foin lalais ne’e, Padre Abel Soares, SDB, liuhosi nia omilia fó sasin katak, loron konsulta popular importante hodi determina destinu nasaun nian.

Misa agradesimentu ne’e partisipa hosi sarani Viqueque, inklui Brigadeiru Jenerál FALINTIL-Forsa Defeza Timor-Leste (F-FDTL) Falur Rate Laek ho eis titular José Luis Guterres.

” loron ne’e importante no istóriku n atu ita ohin hamutuk iha ne’e halo reflesaun,” hateten Padre Abel Soares.

Remata misa agradesimentu, povu   Viqueque hamutuk ho veteranu no juventude sira halo prosisaun hosi Viqueque Vila ba área Krarás, Suku Bibi-leo, Postu Administrativu Viqueque Vila hodi kari ai-funan no sunu lilin ba eroi sira ne’ebé fó aan ba mate hodi soi rai ida ne’e sai nasaun.

Mate Restu Masakre Krarás, Odete Viegas relata, Masakre Krarás sai hanesan momentu importante ida ne’ebé kontribui ba prosesu luta libertasaun nasionál hodi hakotu ema ua’in nia vida.

Notísia Relevante : Mate Restu Masakre Krarás Husu Harii Monumentu

 Jornalista : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here