Diretór Administrasaun no Finansa MEJD, Antoninho Pires. Imajen Tatoli/Egas Cristóvão

DILI, 20 juñu 2022 (TATOLI)–Ministériu Edukasaun Juventude no Desportu (MEJD) iha tempu besik sei halo avaliasaun ba kurríkulu nasionál ensinu báziku siklu 1,2 tanba konsidera kurríkulu ne’e eziste durante tinan-lima ona.

“Ami agora haree hela konteúdu hosi kurríkulu ne’e rasik. Tanba ami prepara hela atu halo avaliasaun ba kurríkulu ensinu báziku siklu 1 no 2,” Diretór Jerál Administrasaun Finansa MEJD, Antoninho Pires, hateten iha edifísiu MEJD, Vila verde, segunda ne’e.

Notísia relevante: Governu Halibur Ideia Revé Kurrikulu Ensiñu Sekundáriu Jerál no Tékniku Vokasionál

Tuir Diretór, avaliasaun ba kurríkulu siklu 1,2 maka sei termina rezultadu iha futuru hodi deside prosesu produsaun livru foun ba estudante sira iha edukasaun ensinu báziku, ne’ebé hosi avaliasaun ne’e rasik MEJD sei toma konsiderasaun karik presiza halo renovasaun ba konteúdu kurríkulu ne’e rasik no hosi parte tékniku sira sei anota.

“Sei iha vantajen no dezvantajen bazeia ba rezultadu avaliasaun ne’ebé parte tékniku sira sei haree.  Avaliasaun ne’e atu deside karik nafatin ho modelu ida uluk ka presiza iha renovasaun, enkuantu kurríkulu ne’e iha progresu ka lae depende ba avaliasaun MEJD maka sei termina.

Enkuantu planu renovasaun no produsaun kaderneta eskolár foun ba estudante ensinu báziku siklu 1,2 tanba ladún adapta ho kurríkulu sistema edukativu ne’ebé iha, tanba ne’e bainhira iha ona avaliasaun ba kurríkulu ne’e, konserteza sei afeta mós ba kaderneta ne’e rasik.

Jornalista  : Tomé Amado

Editora      : Julia Chatarina   

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here