Ministru Justisa, Tiago Amaral Sarmento, halo vizita ba Pertamina Internasionál Timor SA iha Pantai Kelapa-Dili. Imajen/MJ

DILI, 17 juñu 2022 (TOLI)— Minsitru Justisa, Tiago Amarál, hateten desde fulan maiu tinan ne’e, orienta ona Diresaun Nasionál Terra no Propriedade no Servisu Kadastrus (DGTPC, sigla Portugés), hodi halo levantamentu ba iha terreñu  Pertamina Internasionál Timor SA, Pantai-Kelapa, Dili no iha Juñu semana ne’e, konklui hotu ona relatóriu levantamentu.

Duadaun ne’e, Gabinete Ministru Justisa prepara ona Kontratu arrendamentu no lá kleur sei regulariza situasaun Pertamina Internasionál Timor Sa nian.

“Kontratu ne’ebé Ministériu Justisa sei selebra ho Pertamina Internasionál Timor SA, ne’e sei inklui mós dívidas hosi tinan hirak ba kotuk, tamba Pertamina aseita no estatutu Pertamina ne’e rasik sai ona ka hamutuk ona ho empreszáriu Timór-oan sira mak na’in mós ka liuhosi joint venture (konsorsiu), ne’ebé saham (asaun) barak hosi emprezáriu Timór-oan balun,” refere nota ne’ebé Agência TATOLI asesu, sesta ne’e.

Notísia relevante:Durante mandatu, MJ promete obriga investidór sira kumpre akordu arrendamentu

Kona-ba folin arrendamentu ne’e sei boot, tanba haree ba atividade negósiu ne’e rasik boot no okupa Raí Estado kuaze ektáre tolu (3).

Nune’e, Ministru Justisa mós sente haksolok tanba pertamina prontu atu kumpri lei Timor-Leste no selu valor arrenda hamutuk ho dividas tinan hirak ba kotuk.

Ministru Justisa ba vizita Pertamina Internasionál Timor SA, atu hare situasaun jeral pertamina, kona-ba atividade ne’ebé hala’o kleur ona iha área refere, nomós hosi parte Pertamina aseita atu asina kontratu ho kondisaun hirak ne’e, ne’ebé sei inklui mós iha  kontratu arrendamentu bazeia ba lei Timor-Leste.

Iha inísiu fulan Maiu tinan ne’e, Ministru Justisa konvida beibeik Pertamina Internasionál Timor SA, no jerente pertamina mós mai beibeik diskute ho Ministru Justisa oinsa atu kumpri lei RDTL no parte pertamina iha vontade ne’ebé diak no ida ne’e hatudu sinal diak atu selebra kontratu ho sira (Pertamina Innternasional Timor SA).

Iha vizita Ministru Justisa nian, Pertamina Internasionál Timor Sa, relata katak; “durante ne’e Pertamina selu taxa ka impostu ba Estadu kona-bá atividade negósiu nian kada tinan kuaze 1 to’o 2 miloes ba kofre Estadu, so ‘Rai Ten’ de’it mak sira seidauk selu, nune’e bainhira Pertamina selu tan ‘Rai Ten’ nian ne’e sei hatama reseita Barak”, informa parte pertamina.

Ministru Justisa mós iha ona hánoin no informa ba Pertamina Internasionál Timor Sa, katak “iha oin mai bainhira rezolve tiha kestaun selu ‘Rai ten’ no dívidas sira, sei husu Pertamina Internasionál Timor Sa, atu buka mós fatin fora hosi kapital Díli, tanba atividade negósiu boot, atu nune’e bele hala’o atividade ho di’ak liu tan iha oin mai, ne’e liga ho fatin ne’ebé soin ou merese duni atu hala’o atividade negosiu ne’e.

Hanoin ida ne’e sei hato’o mós ba kompañia bo-boot sira ne’ebé hala’o atividade iha kapital Díli nia laran, tanba em termus seguransa no seluk tan, diak liu kompañia boot sira, ita buka fatin dok oituan husi komunidade barak nia leet no liuliu kapital, tamba iha razaun oin-oin no Pertamina Internasionál Timor Sa, mós aseita ho hanoin ida ne’e.

Notísia relevante: MJ rejista kompañia 220 seidauk selu areendamentu ba Estadu

Jornalista: Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here