Vise Primeiru-Ministru no Ministra Solidariedade Sosiál no Inkluzaun, Armanda Berta dos Santos, lidera reuniaun Konsellu Ministru, iha Palásiu Governu, kuarta (15/06). Imajen Tatoli/Francisco Sony

DILI, 16 juñu 2022 (TATOLI)–Ministru Edukasaun Juventude no Desportu (MEJD), Armindo Maia, kuarta ne’e, halo aprezentasaun ida iha ámbitu reuniaun Konsellu Ministru (KM) kona-ba roteiru rekrutamentu ba profesór sira.

“Konsellu Ministru apresia ona aprezentasaun ida kona-ba prosesu no roteiru ba rekrutamentu profesór sira,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu.

Notísia relevante: MEJD hein konkluzaun re-verifikasaun profesór kontratadu 5.203 hodi determina estatutu

Portavóz Governu dehan, aprezentasaun ne’e inklui informasaun ruma kona-ba númeru profesór sira ne’ebé iha no previzaun kona-ba rekrutamentu iha tempu badak.

“Objetivu maka atu rekruta hirak ne’ebé daudaun hanesan profesor voluntáriu sira, maibé foin aprezentasaun de’it hodi rona ideia, medida sira ne’ebé atu foti kabe ba kompeténsia ne’ebé lei atribui ba Ministériu Edukasaun Juventude no Desportu rasik,” nia esplika.

MEJD iha fulan hirak ne’e hasoru dezafiu kona-ba situasaun ensinu, liliu relasiona ho rekusu umanu, presiza solusiona voluntáriu sira.

Seluk mak hirak ne’ebé ninia estatutu seidauk loos tanba problema anteriór, nune’e mós sira ne’ebé la’ós ona voluntáriu no sira hanesan kontratadu maibé atu normaliza sira-nia situasaun ne’e seidauk iha dalan finál.

“Entaun ho problema tolu ne’e maka ministériu koko hela atu fó solusaun hodi bele garante katak sistema edukasaun sei la para no kontinua sein problema,” Ministru subliña.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

3 KOMENTÁRIU

  1. Ami voluntariu ho paciensa hodi hein ministru No parte kolpotente sira na planu maibe Ami Remata Ami nia Estudu Iha Universdade Ami voluntriu ona tinan 5 ba 6 ona lbe governu nunka tau atebsaun, mbe agora ami agradese n bein Processu n My ddaun ona,, husi ba ekipa tenki kontrola to Eskola EBF.EBC sira iha Baze n Estremamentos remotas sra hodi hare rzsik.Eskola balun Voljntriu mows lori Disciplna 2 b to 3 hofi hanorin hnsang prfssor,kontrak n Permanten sira mbe Laiha Salariu. oinsa h Governu nia bare?

  2. Informasaun ba notívia nee ambíguo tamba dehan atu recruta professor voluntários, iha situasaun nee la dignifika ema graduados IES nebe dedica nia aan ba edukasaun tamba intensaun rekruta sai professores voluntários; segundo recruta graduados sira be servisu tinan barak ona sai profesores voluntários iha eskola (tinan 1 too 12) sai professores permanentes.
    Agénvia Tatoli liloos fo esplikasaun klaru, labele iha lia subar be halo konfuzaun ba sociedade.

  3. Hau hare MEJD halo retorika mak barak liu maibe laiha rejultado ida nebe mak bele fo nia sentimento komum ba profesores/a sira. Tamba ita halimar demais estatu profesor/a nia distino no dada tempu ba mai liu. Bainhira mak MEJD seriu hodi resolve totalmente profeso/a nia distinu nebe mak sei namlele hela, nudar aman ida labele hanoin deit nia an maibe precisa tau interese komum, ida nee mak dehan lideransa ideal.

HAKEREK NO HATÁN

Please enter your comment!
Please enter your name here