Pesoál saúde fó vasina ba estudante EBC Beco. Imajen Tatoli/Celestina Teles.

DILI,15 juñu   2022  (TATOLI)—Ministériu Saúde (MS), relata kazu pozitivu foun na’in-haat, rekuperadu  ida no kazu ativu 21.

“Ohin kazu detetadu foun haat, rekuperadu ida no kazu ativu 21,” Diretora Jerál Prestasaun Saúde Odete da Silva Viegas  liuhosi nota ne’ebé Agência TATOLI asesu, kuarta ne’e. 

Nune’e, hahú 21 marsu 2020 to’o 15 juñu 2022  iha kumulativu kazu konfirmadu 22.944 no óbitu 133.

Hosi horisehik mai ohin, Laboratóriu Nasionál Saúde halo teste PCR 37,  kompostu vijilánsia sentinela ida, rastreiu ba kontaku laiha, rastreiu aleatóriu ida, viájen internasionál 35 no follow up iha kuarentena laiha.

Alende ne’e, totál teste PCR ne’ebé halo iha 14 juñu 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 36, hanesan Maubisse laiha,  Maliana lima, Viqueque laiha , Suai  laiha, Baucau laiha Ermera laiha, RAEOA  laiha, HNGV 31, Lautém laiha, Vera Cruz laiha no Manufahi laiha.

Populasaun elijível tinan 18 ba leten, ne’ebe simu ona vasina to’o iha loron 15 juñu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,7%) no kumulativu 2ª doze iha Dili (82,8%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,8% no simu ona doze daruak 73,9%.

Hosi insidénsia COVID-19 iha Timor-Leste, durante loron hitu ikus maka 0,6/100 mil abitante.

Iha loron 15 juñu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha no baixa ho COVID-19 laiha.

Notísia Relevante:COVID-19: kazu pozitivu foun hitu no ativu na’in-18

Jornalista: Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here