DILI, 14 juñu 2022 (TATOLI)—Ministériu Saúde (MS), relata kazu pozitivu foun hitu, rekuperadu ida no kazu ativu 18.
“Ohin kazu detetadu foun hitu, rekuperadu ida no kazu ativu 18,” Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI, tersa ne’e.
Nune’e, hahú 21 marsu 2020 to’o 14 juñu 2022 iha kumulativu kazu konfirmadu 22.940 no óbitu 133.
Hosi horisehik mai ohin, Laboratóriu Nasionál Saúde halo teste PCR 65, kompostu vijilánsia sentinela rua, rastreiu ba kontaku laiha, rastreiu aleatóriu 15, viájen internasionál 48 no follow up iha kuarentena laiha.
Alende ne’e, totál teste PCR ne’ebé halo iha 13 juñu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 43, hanesan Maubisse laiha, Maliana laiha, Viqueque laiha, Suai neen, Baucau laiha Ermera laiha, RAEOA laiha, HNGV 37, Lautém laiha, Vera Cruz laiha no Manufahi laiha.
Populasaun elijível tinan 18 ba leten, ne’ebe simu ona vasina to’o iha loron 14 juñu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,7%) no kumulativu 2ª doze iha Dili (82,8%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,8% no simu ona doze daruak 73,9%.
Hosi insidénsia COVID-19 iha Timor-Leste, durante loron hitu ikus maka 0,4/100 mil abitante.
Iha loron 14 juñu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha no baixa ho COVID-19 laiha.
Notísia Relevante: COVID-19: kazu detatadu pozitivu na’in-rua no ativu 19
Jornalista: Felicidade Ximenes
Editór : Florencio Miranda Ximenes
