Komandante PNSIK Superientendente, José Maria Neto Mok. Imajen Tatoli/Francisco Sony

DILI, 14 juñu 2022 (TATOLI)— Polísia Nasionál Timor-Leste (PNTL) liuhosi Polisia Nasionál Investigasaun Kriminál (PNSIK), konklui no submete ona prosesu investigasaun ba kazu importasaun veíkulu ho kondisaun aat hosi Austrália ba Ministériu Públiku (MP), hodi prosesa tuir lei ne’ebé viogra iha Timor-Leste.

“Kona-bá kazu ne’e hosi parte PNSIK konklui ona nian prosesu investigasaun no daudaun PNTL lori bá ona Ministériu Públiku hodi prosesa tuir lei,” Komandante Polisia Nasionál Servisu Investigasaun Kriminál (PNSIK), Superintendente Xefe, José Neto Mouk, ba Agência TATOLI, via telefónika, tersa ne’e.

Ekipa konjuta PNSIK no Autoridade Aduaneiru (AA) Alfandega halo apreensaun ba veíkulu ho kondisaun aat hosi Austrália, iha Portu-Dili hamutuk 69.

“Totál karreta loloos ne’ebé maka ami halo apreensaun ne’e hamutuk 69, maibé daudaun iha hela prosesu nia-laran ne’ebé ami labele ko’alia sai ba públiku,” nia afirma.

Hatan kona-bá kompañia importadór hira mak envolve, José Neto Mouk, informa iha kompañia haat maka envolve iha kazu importa veíkulu ho kondisaun aat hosi Austrália. 

“Iha kompañia haat maka envolve iha kazu importa karreta hirak ne’e mai iha Timor-Leste, sira ne’e mesak emprezáriu Timor-oan de’it. Ha’u labele mesiona kompañia  sira nia naran tanba kazu ne’e sei iha hela prosesu laran,” Superintendente Xefe afirma.

Notísia relevante:  Semana oin, KM diskute proposta revizaun dekretu-lei importasaun veíkulu

Jornalista: Natalino Costa

Editóra   : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here