Jestór sub-rejiaun Oésilo, Domingos Marques. Imajen Tatoli/Abílio Elo Nini.

OÉ-CUSSE, 14 juñu 2022 (TATOLI) – Jestór sub-rejiaun Oésilo, Domingos Marques, husu Ministériu Agrikultura no Peska (MAP) atu fasilita akompañamentu téknika no jestaun ba grupu agrikultór ne’ebé sai benefisiáriu iha implementasaun projetu Hasa’e Produtividade Agrikultura Sustentável (HAPAS) iha Rejiaun Administrativa Espesiál Oé-Cusse Ambeno (RAEOA).

Domingos Marques, orgullu, tanba iha sub-rejiaun Oésilo suku tolu no aldeia 13 envolve direita iha projetu HAPAS, atu asesu fundu hodi ezekuta programa prioridade hasa’e produsaun alimentár, pekuária, veternária no ortikultura, iha projetu HAPAS maibé grupu sira-ne’e falla iha tékniku no halo jestaun ba grupu.

Notísia relevante: MAP apoia grupu 37 iha RAEOA dezenvolve projetu HAPAS

Nia halo observasaun katak, konsiénsia hosi komunidade liuliu ba grupu sira mak seidauk iha.

Nia hatutan, distribuisaun ba karau no bibi la’o di’ak, maibé alimentár mak la hatene sira tau iha-ne’ebé, no difikulta atu hetan faze daruak nian.

“Mákina ne’ebé hetan ona hosi MAP, to’o agora sei paradu tanba iha distribuisaun primeiru ne’e kuaze falla, entaun presiza akompaña tékniku no jestaun, tanba grupu barak la sesusu iha projetu ne’e,” Domigos Marques, hatete, iha Oé-Cusse, tersa ne’e.

Tuir nia, razaun falla tanba iha grupu laran laiha unidade ba apoia ne’ebé projetu HAPAS distribui, entaun projetu HAPAS iha MAP nia okos persiza fasilita téknika no jestaun, tanba implementasaun ba grupu oinsá sira bele moris.

“Ha’u haree observa no ha’u envolve iha laran tanba iha sub-rejiaun Oésilo, ha’u tama hotu ba programa ne’e, ha’u mós hanesan membru asume kna’ar hanesan vise-prezidente konsellu, durante grupu balu falla iha jestaun, hetan hotu fini animál no alimentasaun maibé nia susesu ita la haree saida mak dezenvolve iha grupu laran,” nia afirma.

Nia rekomenda ba supervizór sira tenke akompaña nune’e projetu ne’e bele la’o susesu iha sub-rejiaun Oésilo no labele husik de’it grupu sira la’o mesak.

“Programa ne’e di’ak, tanba tulun komunidade atu hetan karau bibi no alimentár hanesan fini ba batar no hare, maibé jestaun mak ladún di’ak, tanba atu asesu iha fundu liuhosi harii grupu submete proposta mka foin hetan, atu hala’o iha grupu laran,” nia katak.

Notísia relevante: Grupu agrikultór 71 implementa projetu HAPAS iha Oé-Cusse

Jornalista   : Abílio Elo Nini
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here