Ministru Turizmu Komérsiu no Indústria, José Lucas do Carmo da Silva. Imajen Tatoli/Francisco Sony

DILI, 10 juñu 2022 (TATTOLI)—Ministériu Turizmu Komérsiu no Indústrua (MTKI) liuhosi Diresaun Inspesaun Jerál Jogu (IGJ, sigla portugés), ne’ebé durante eziste halo kontrolu ba jogu legál sira konsege hatama ona reseita ba kofre Estadu hamutuk milliaun $25.

Informasaun ne’e fó sai iha ámbitu semináriu nasionál IGJ, ne’ebé hala’o iha loron kinta (09/06), ho tema: ‘melloramentu ba atividades jogu iha área investimentu produtivu hodi halo kiasaun ba empregu.’

Legalidade atividade jogu fó kompeténsia ba MTKI atu kondús polítika ba jogu no kria IGJ liuhosi dekretu-lei númeru 11/2008 11 juñu, atu sai nu’udar órgaun ne’ebé monitoriza, kontrolu no fiskaliza atividade jogu.

Ministru Turizmu Komérsiu no Indústria, José Lucas do Carmo da Silva, hateten, atividade ne’e nu’udar inisiativa ida hosi IGJ-MTKI, hodi halibur malu entre ilísitu ho IGJ, hodi hato’o hanoin ba malu kona-ba prátika jogu hanesan konversaun ba atividade ne’ebé uluk konsidera marjinál, hodi transforma ba atividade ne’ebé fó benefísiu ba sosiedade no Estadu.

“Atividade jogu legál hamosu melloramentu lubuk ida, hanesan hatama reseita ba Estadu besik ona milliaun $25, hamosu empregu ba ema besik 3.000, no halo investimentu lubuk ida iha área turizmu,” Ministru relata liuhosi nota ne’ebé Agência Tatoli asesu, sesta ne’e.

Notísia relevante: IGJ hatama reseita millaun $1,7 ba kofre Estadu iha tinan 2021

Atividade jogu legál fó benefísiu ba sosidade liuhosi pagamentu ba prémiu ne’ebé reprezenta 70% hosi osan totál ne’ebé ema joga no osan ne’e sirkula iha ekonomia nasaun nia.

“Tinan barak ona atividade jogu la’o hela iha Timor-Leste no tempu ona atu halo avaliasaun no reflexaun atu halo planu no konserta ka hadi’a polítika iha setór jogu, nune’e bele fó benefísiu ba sosiedade,” nia dehan.

Governu mós hanoin atu moderniza atividade jogu liuhosi investimentu iha pilár lubuk ida, hanesan kapasitasaun ba rekursu umanu, modernizasaun hosi sistema manuál ba digitál, no hamosu kondisaun dignu no adekuadu ba jogu tradisionál sira hanesan kultura no tradisaun Timor nian.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here