Mediku prepara hela aimoruk Vasina AstraZeneca hodi kontra Covid-19. Iha Sentru Saúde Formoza Dili, kuarta (09/02). Imajen Tatoli/Francisco Sony

DILI, 07 juñu   2022  (TATOLI)—Ministériu Saúde (MS), relata kazu óbitu ida, pozitivu foun ida, rekuperadu lima no kazu ativu 21.

“Pasiente mane husi munisípiu Bobonaro ne’ebe hakotu iis  iha HR Maliana ho diagnsotiku Bronconeumonia+ Hypoxemia severa+ má nutrisaun severa post tratamentu TB+ COVID-19 ho CT 26.8 no seidauk vasina,” Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI asesu, tersa ne’e. 

Ohin kazu detetadu pozitivu foun na’in-ida, rekuperadu lima no kazu ativu 21. Nune’e, hahú 21 marsu 2020 to’o 07 juñu 2022  iha kumulativu kazu konfirmadu 22.928 no óbitu sa’e 133.

Hosi horisehik mai ohin, Laboratóriu Nasionál Saúde halo teste PCR 71, kompostu vijilánsia sentinela laiha, rastreiu ba kontaku ida, rastreiu aleatóriu ida, viájen internasionál 69 no follow up iha kuarentena laiha.

Alende ne’e, totál teste PCR ne’ebé halo iha 06 juñu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 45, hanesan Maubisse laiha, Maliana 12, Viqueque laiha, Suai hitu, Baucau laiha Ermera laiha, RAEOA  laiha, HNGV  33,  Lautém laiha, Vera-Cruz laiha no Manufahi laiha.

Populasaun elijível tinan 18 ba leten, ne’ebe simu ona vasina to’o iha loron 05 juñu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,4%) no kumulativu 2ª doze iha Dili (82,6%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,6% no simu ona doze daruak 73,6%.

Hosi insidénsia COVID-19 iha Timor-Leste, durante loron hitu ikus maka 0,4/100 mil abitante.

Iha loron 07 juñu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha no baixa ho COVID-19 laiha.

Notísia Relevante: COVID-19: kazu óbitu na’in-ida no ativu 26

Jornalista: Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here