Médiku hala'o vasina ba sidadaun ida hodi kombate moras Covid-19. Iha Sentru Saúde Formoza Dili, kuarta (09/02). Imajen Tatoli/Francisco Sony

DILI, 06 juñu   2022  (TATOLI)—Ministériu Saúde (MS) relata kazu óbitu na’in-ida, pozitivu foun rua,  rekuperadu lima no kazu ativu 26.

“Pasiente feto hela  fatin munisípiu Liquiça mai hala’o tratamentu iha HNGV no teste swab  konfirmadu pozitivu  COVID-19, mate iha izolamentu Vera-Cruz iha tuku 07:26am, dadersan. Ho diagnostiku Multiple organ  failure+ covid-19 CT23 no matebian simu vasina  primeira doze AZ,” Diretora Jerál Prestasaun Saúde Odete da Silva Viegas  liuhosi nota ne’ebé Agência TATOLI asesu, segunda ne’e. 

Nune’e, hahú 21 marsu 2020 to’o 06 juñu 2022  iha kumulativu kazu konfirmadu 22.927 no óbitu 132.

Hosi horisehik mai ohin, Laboratóriu Nasionál Saúde halo teste PCR 40, kompostu vijilánsia sentinela laiha, rastreiu ba kontaku laiha, rastreiu aleatóriu tolu, viájen internasionál 37,  follow up iha kuarentena laiha.

Alende ne’e, totál teste PCR ne’ebé halo iha 05 juñu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 33, hanesan Maubisse laiha,  Maliana la iha, Viqueque laiha, Suai hitu,  Baucau laiha Ermera laiha, RAEOA  laiha, HNGV  26,  Lautém laiha, Vera-Cruz laiha no Manufahi laiha.

Populasaun elijível tinan 18 ba leten, ne’ebe simu ona vasina to’o iha loron 05 juñu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,4%) no kumulativu 2ª doze iha Dili (82,5%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,5% no simu ona doze daruak 73,6%.

Hosi insidénsia COVID-19 iha Timor-Leste, durante loron hitu ikus maka 0,4/100 mil abitante.

Iha loron 06 juñu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha no  baixa ho COVID-19 la iha.

Notísia Relevante:COVID-19: kazu pozitivu na’in-ida no ativu 30

Jornalista: Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here