AIFAESA halo apreensaun ba tabaku ho marka Surya no Joker, iha merkadu Taibesi, sesta (11/03). Imajen TATOLI/Francisco Sony

DILI, 07 juñu 2022 (TATOLI)— Koordenadór ba Aliansa Nasionál Kontrolu Tabaku iha Timor Leste (ANCT-TL), Manuel Abosi, husu ba Autoridade Inspesaun Atividade Ekonomika Sanitária no Alimentár (AIFAESA) no Polísia Nasionál Timor Leste (PNTL) atu kontrola importasaun tabaku ilísitu iha  territóriu nasionál.

“Tabaku mak fatór prinsipál ne’ebé mak fó impaktu liu ba moras la hada’et no tubekuloze, nune’e ita nafatin sensibilizasaun informasaun hodi hasa’e koñesimentu komunidade nian hodi hapara fuma tabaku atu prevene moras ida ne’e iha ita-nia rain,” Koordenadór ANCT-TL ne’e,  hateten  ba jornalista sira bainhira ramata workshop update Estatuto Kontrolu Tabaku moras lahada’et no tuberkuloze iha salaun MSSI Caicoli, tersa ne’e.

Notísia relevante: ANCTL apresia inisiativa Governu hasa’e folin tabaku

ANCT-TL kontinua nafatin sensibiliza informasaun ba komunidade sira kona-ba risku tabaku nian iha Timor Leste.

“Ami hanesan organizasaun sosiedade sivil ne’ebé mak esforsu no halo advokasia ba autoridade sira halo inspesaun atu kontrolu tabaku iha ita-nia rain. Tanba ne’e mak husu ba ba populasaun sira evita fuma atu nune’e la bele hamosu moras tuberkuloze,” nia afirma.

Konsumidór tabaku iha Timor-Leste  53% ba idade produtivu-sira no 69% labarik feto fuma sigaru suar.

Dadus ne’e mai hosi pekizadór globál hosi tinan 2019 ba tabaku, labarik mane sira hosi idade 15 konsumu tabaku 30,9 % no estudante 67% mak sofre hosi fuma sigarru.

Tanba ne’e, foin sa’e sira tenke prevene an no labele fuma tabaku atu moris saudável, no husu parte eskola tenke bandu estudante-sira konsumu tabaku.

Iha biban hanesan, Xefe Departamentu Programa Nasionál Tuberkuloze iha Ministériu Saúde, Constantino Lopes, informa Timor-Leste nafatin rejista taxa insidénsia no taxa mortalidade tuberkuloze kontinua as iha Rejiaun Sudéste  Aziátiku.

Tuir dadus kuaze ema na’in-498 mak kada populasaun 100 mil mak sofre ba moras tuberkuloze no ema mate ba moras tuberkuloze kada loron ema na’in-tolu.

Tuir polítika VIII Governu Konstitusionál hakarak elemina tuberkuloze iha tinan 2025 tanba ne’e kontinua promove no halo edukasaun   ba komunidade sira atu prevene  konsumu tabaku no hemu tua iha país ne’e.

“Atu deteta ema moras tuberkuloze iha familia tenke halo screening ba membru  uma-kain hotu  para  hatene hodi kombate moras ida ne’e,” nia afirma.

Tuir dadus Organizasaun Mundiál Saúde hatudu katak populasaun hamutuk 163.890 ka 60,7% mak fumadór iha Timor -Leste.

Entretantu, Governu hasa’e folin tabaku ho objetivu atu prevene konsumu tabaku, produtu ne’ebé ho ninia prejuizu boot ba saúde, prevee katak aumentu taxa impostu seletivu ba konsumu aplikável ba tabaku, daudaun ne’e $19 kada kilograma sa’e ba $25 kada kilograma.

VIII Governu Konstitusionál hahú ona polítika fiskál atu aumenta reseita doméstika nu’udar ferramenta importante ba polítika ekonómika no sosiál, liuhosi hasa’e presu ba bebida alkólika no tabaku, iha tinan oin.

Organizasaun internasionál sira hatudu Timor-Leste hanesan país ne’ebé ho prevalénsia fumadór boot liu, liuliu ba joven sira, durante tinan-10 ikus ne’e país barak iha ona susesu uza agravamentu fiskál hodi hamenus konsumu tabaku.

Aumentu sira-ne’e sei tau iha konsiderasaun iha reforma lejizlasaun fiskál, ne’ebé daudaun ne’e la’o hela, Governu tenke utiliza taxa impostu hodi promove adosaun ba populasaun nia komportamentu saudável.

Notísia Relevante: ANCT-TL sensibiliza estudante kona-bá impaktu tabaku ba saúde

Jornalista : Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here