Estudante sira hosi eskola Sekundáriu Liceu no Sekundáriu Calixa iha munisípiu Viqueque, partisipa iha programa sensibilizasaun kona-bá impaktu tabaku ba saúde, segunda (20/09/21). Imajen Tatoli/Vitorino Lopes da Costa.

VIQUEQUE, 20 setembru 2021 (TATOLI)—Aliansa Nasionál Kontrolu Tabaku Timor-Leste (ANCT-TL sígla portugés), hala’o sensibilizasaun ba estudante sira hosi eskola Sekundáriu Liceu no Sekundáriu Calixa iha munisípiu Viqueque, kona-bá impaktu tabaku ba saúde.

Diretór ANCT-TL, Sancho Belito Fernandes, konsidera tabaku nu’udár produtu ne’ebé ho kímiku aas, bainhira fuma sei fó impaktu makás hanesan atakasaun ba fuan, tensaun, diabetes, i’is-boot. memória sei fraka, ne’ebé rezulta ona ema besik millaun neen (6) mate kada tinan, inklui TL.

Notísia relevante:Labarik TL idade 13-15 iha 30% konsumu tabaku

“Indústria tabaku ho maneira oin-oin, hodi atrai konsumidór-sira. Konsumidór tabaku iha TL 53% ba idade produtivu-sira no 69% labarik feto fuma sigaru suar,” Sancho Belito Fernades, hateten iha salaun serbisu edukasaun munisípiu Viqueque, segunda ne’e.

Dadus ne’e mai hosi pekizadór globál hosi tinan 2019 ba tabaku, labarik mane sira hosi idade 15 komsumu tabaku 30,9 %. Estudante 67% mak sofre hosi fuma sigaru.

Tanba ne’e, foin sa’e sira tenke prevene an no labele fuma tabaku atu moris saudável, no husu parte eskola tenke bandu estudante-sira konsumu tabaku.

Reprezentante Diretór Serbisu Edukasaun munisípiu Viqueque, João Menezes Pinto, husu estudante-sira ne’ebé idade sei ki’ik, lalika fuma tanba sei estraga fuan.

Sensibilizasaun ne’e ANCT-TL kolabora ho Sentru Joventude Timor-Leste (CNJTL) munisípiu Viqueque, no parsipa mós hosi profesór-sira.

Programa ne’e hetan apoiu hosi Sekretariu Estadu Joventude no desportu (SEJD).

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here