Dieter Jerál Ministériu Solidaridade Sosiál no Inkluzaun (MSSI), Rui Manuel Gago Exposto.Imajen Tatoli/Osória Marques.

DILI, 17 maiu 2022 (TATOLI)–Diretór Jerál Ministériu Solidariedade Sosiál no Inkluzaun (MSSI), Rui Manuel Gago Exposto, hateten ofisiál 85 ne’ebé atu rejista benefisiáriu ba programa “Bolsa da Mãe Jerasaun Foun” daudaun ne’e tuir formasaun iha MSSI.

“Ohin, MSSI komesa fasilita ona formasaun ba ofisiál rejista ‘bolsa da mãe jerasaun foun’ hamutuk 85 hodi hasa’e sira-nia koñesimentu kona-ba oinsá atu rejista benefisiáriu sira-nia naran ba programa refere,” Rui Manuel Gago Exposto hateten ba Agência TATOLI, iha nia knar fatin Caicoli, Dili, tersa ne’e.

Ofisiál sira-ne’ebé daudaun ne’e tuir formaaun ne’e hosi munisípiu Ainaro no Bobonaro de’it maibé ofisiál na’in-26 hosi Rejiaun Administrativa Espesiál Oé-Cusse Ambeno (REAOA) la konsge tuir formasaun tanba problema transporte.

“Kona-ba kestaun ida-ne’e, ami sei prepara ekipa ida hosi MSSI atu bele ba iha RAEOA mak sei formasaun ba ofisiál ba sira iha ne’ebá,” nia dehan.

Formasaun ba ofisiál sira-ne’e hala’o durante loron tolu (3) hahú hosi tersa-kinta (17-19 maiu 2022), tanba formsaun ida-ne’e fó ba ofisiál sira hodi uza sistema dijitalizasaun entaun tenke iha formsaun, nune’e bele fasilita sira hodi rejistu liuhosi sistema.

Nia informa, data kalendáriu tentativa ba lansamentu rejista ‘Bolsa da mãe jerasaun foun’ ne’e, sei hahú 10 juñu iha munisípiu tolu (3) hanesan Ainaro, Bobonaro no RAEOA.

“Maibé ita sei hahú halo lansamentu iha 10 juñu iha Sentru Saúde Cailaco, iha postu administrativu Cailaco, munisípiu Bobonaro. Nune’e, hahú hosi ohin ne’e ita iha progresu avansandu tanba agora MSSI rekruta ona ofisiál rejista ‘bolsa da mãe jerasaun foun’ ne’ebé sei atende ema rejista iha munisípiu Ainaro, Bobonaro no Rejiaun Admoinistrativa Espesiál Oé-Cusse Ambeno (REAOA),” nia dehan.

Governu Timor-Leste prevee osan miliaun $7 no Governu Austrália aloka millaun $5 ba programa “bolsa da mãe jerasaun foun”.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here