Edifísiu Uma Mahon Knua Haberan Komunidade munisípiu Viqueque. Imajen Tatoli/Vitorino Lopes da Costa

VIQUEQUE, 01 juñu 2022 (TATOLI)—Koordenadora Uma Mahon Knua Haberan Komunidade Viqueque, Cristina Rosawati Gusmão, informa, durante ezisténsia, iha tinan 2015 to’o 2022 fó asisténsia ba vítima labarik feto no mane hamutuk 157.

“Tuir dadus, vítima hamutuk 157 kompostu hosi labarik feto 139 no labarik mane 18. Kazu ne’ebé rejista iha Uma Mahon ho tipu violénsia doméstika, violénsia sexuál no kazu insestu. Kazu tolu ne’e mak durante ne’e ami atende,” Koordenadora hateten ba Agência Tatoli iha ninia knaar fatin, Beobe, Viqueque vila, kuarta ne’e.

Notísia relevante: Komisaun F sei halo re-abertura ba artigu balun projetu-lei protesaun labarik

Tuir Responsável, Uma Mahon la halo re-intregasaun ba vítima sira, maibé halo serbisu referál ba sentru solidaridade munisípiu Viqueque.

“Ami akompaña sentru solidaridade munisípiu Viqueque hodi lori ita-nia vítima sira hodi re-entrega ba família hamutuk na’in-139. Iha  labarik estudante sira ami entrega ba Fokupres rua, Casa Vida hitu no Uma Mahon Salele 10,” nia akresenta.

Uma Mahon haree liu ba kronoljia kazu sira liga ba edukasaun, maibé maioria kazu ne’ebé mosu vítima sira-nia estudu la’o hela, liuliu ba tipu kazu violensia sexuál.

Daudaun lei protesaun labarik sei pendente iha Parlamentu Nasionál, maibé aban bain-rua bainhira lei ne’e funsiona, Governu sei tau perioridade no proteje ba asuntu labarik sira.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here