Treinadór Prinsipál Selesaun Nasionál U-23, Fabio Maciel da Silva, partisipa iha konferénsia imprensa ba jogu amigavél ho selesaun nasionál senior Cambodia.Imajen/ Hortencio Sanchez

CAMBODIA, 01 juñu 2022 (TATOLI)— Treinadór Prinsipál Ekipa Selesaun Nasionál U-23, Fabio Maciel da Silva, informa jogadór sira hahú preparadu atu hala’o jogu amigavél hasoru ekipa selesaun seniór Cambodia, ne’ebé srealiza aban, (01/06), lokoraik, iha Estádiu Nasionál Cambodia.

“Jogu aban ne’e importante tebes ba Timor-Leste, tanba ekipa durante ne’e halo preparasaun iha Qatar ne’ebé promote sei hatudu jogu di’ak hodi ne’e di’ak tebes no ita preparadu ba jogu aban,” dehan Fabio ba Agência TATOLI iha Cambodia, kuarta ne’e.

Notísia relevante:  Jogu amigável iha Qatar, TL empata 2-2 ho Nepal  

Iha loron 29 maiu, ekipa selesaun nasionál U-23, konsege kompleta loron 12 hala’o treinamentu (Training Camp) iha kampu Qatar University, nune’e arranka bá Cambodia hodi prepara ba jogu amigavél.

Treinadór Brazileirru ne’e, afirma viajen jogadór nian dook tebes ho oras barak bele fó impaktu ba jogu amigavél kontra Cambodia.

“Ha’u fiar no husu ba jogadór sira atu fuan boot nafatin hodi hatudu jogu ne’ebé di’ak iha jogu amigavél ne’e,” nia afirma.

Notísia relevante:  Guarda-rede selesaun nasionál U-23 kontente treinu iha Qatar

Haree ba servisu lojistika sira hotu Federasaun Futeból Timor – Leste tenke tau atensaun ba buat sira ne’e hotu tanba fó impaktu ba ekipa.

Tuir oráriu Federation International Football Assosiation (FIFA) jogu amigavél entre nasaun rua ne’e sei hala’o iha Estádiu Nasional Cambodia, loron 02 juñu mai ne’e.

Total jogadór daudaun ne’e hamutuk na’in-21 kompostu hosi guarda rede na’in-rua no avansadu, mediu, defeza na’in 19.

Notísia relevante:  Termina treinu iha Qatar, Selesaun nasionál U-23 arranka fali bá Cambodia

Jornalista: Hortencio Sanchez

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here