Ministra Negósiu Estranjeiru no Kooperasaun, Adaljiza Albertina Xavier Reis Magno. Imajen Tatoli/Egas Cristóvão

DILI, 30 maiu 2022 (TATOLI)-Ministra Negósiu Estranjeiru no Kooperasaun, Adaljiza Albertina Xavier Reis Magno, informa, Ministru Negósiu Estranjeiru Xina, Wan Yi, sei hala’o vizita ofisiál mai Timor-Leste iha loron 03 juñu tinan ne’e, ne’ebé parte rua sei selebra akordu servisu haat.

“Ha’u mai breafing Primeiru-Ministru no relata progresu preparasaun vizita Ministru Negósiu Estranjeiru Xina, ne’ebé sei mai vizita Timor-Leste. Ha’u relata ba Primeiru-Ministru akordu saida mak ita atu asina tanba Primeiru-Ministru tenki hatene uluk molok simu ministru ne’e,” Ministra hateten hafoin hala’o reuniaun ho Xefe Governu, iha Rezidénsia Primeiru-Ministru, Taur Matan Ruak, Farol, segunda ne’e.

Notísia relevante: Timor-Leste Sei Selebra Akordu ho Xina Hodi Fornese Asisténsia Militár

Akordu ne’ebé Timor-Leste hakarak asina ho Governu Xina maka hanesan akordu servisu aéreu, akordu kooperasaun asuntu ekonómiku liliu área agrikultura no bee-moos, akordu apoia Rádiu Televizaun Timor-Leste, Empreza Públika (RTTL,E.P), akordu kona-ba apoia médiku espesialista mai Timór no akordu balun ne’ebé sei diskute.

Ministru Negósiu Estranjeiru Xina ne’e sei mai vizita Timór durante oras 24 (loron ida), ne’ebé sei aproveita mós hasoru Prezidente Repúblika (PR), José Ramos Horta, Ministra Negósiu Estranjeiru no Kooperasaun, Adaljiza Albertina Xavier Reis Magno, Primeiru-Ministru, no entidade importante seluk.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here