Primeiru-Ministru, Taur Matan Ruak. Imajen Tatoli/Egas Cristóvão.

DILI, 26 maiu 2022 (TATOLI)—Primeiru-Ministru, Taur Matan Ruak, hateten maske Prezidente Repúblika (PR), José Ramos Horta, husu fiskalizasaun abstrata konstituisionalidade ba Orsamentu Retifikavu (OR) ba iha Tribunál Rekursu, maibé sei la implika tanba nia ezekusaun kontinua la’o.

Notísia Relevante: PR Lú Olo promulga orsamentu retifikativu 2022

“Ezekusaun laiha problema ne’ebé la afeta ida no ida-ne’e prerogativu ida konstituisaun fó Prezidente Repúblika bele uza ida-ne’e, no ita boot sira (jornalista) hatene iha ha’u-nia tempu ha’u haruka beibeik ba iha Tribunál,” PM Taur Matan Ruak hateten hodi responde jornalista sira hafoin ramata enkontru ho Xefe Estadu iha edifísiu Palásiu Prezidensiál Nicolau Lobato, Bairru Pite, kinta ne’e.

Dadaun ne’e, Taur matan Ruak hateten, Governu hahú halo preprativu komesa ezekuta Orsamentu Retifikativu ne’ebé antes ne’e eis Prezidente Repúblika, Francisco Guterres Lú Olo promulga ona.

“Balun hahú halo preparativu hodi komesa ezekuta ona tanba foin lalais Iha fulan maiu ne’e nia laran mak hetan promulgasaun hosi Prezidente Repúblika,” nia dehan.

Tanba ne’e, Governante ne’e hatán bainhira ikus Tribunál nia desizaun oinsá ne’e Parlamentu Nasionál mak responde.

“Parlamentu Nasionál mak tenke responde ida-ne’e, uma vez lei promulga ona ami ezekuta ona,” nia hateten.

Notísia Relevante: Pedidu fiskalizasaun abstrata ba Orsamentu Retifikativu la implika nia ezekusaun

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here