Selesaun Nasionál U-23, halo treinamentu fíziku no tátika sira hodi halo kontra-atake hasoru adversáriu bainhira kompete iha jogu futeból. Imajen/Hortencio Sanchez

QATAR, 25 maiu 2022 (TATOLI)– Treinadór Fíziku Selesaun Nasionál U-23, Silas Paixão, informa durante loron neen, jogadór selesaun Nasionál U-23, halo treinamentu fíziku no tátika kontra-atake hasoru adversáriu bainhira kompete iha jogu ruma.

Selesaun Nasionál U-23, halo treinamentu fíziku no tátika sira hodi halo kontra-atake hasoru adversáriu bainhira kompete iha jogu futeból. Imajen/Hortencio Sanchez

“Ho treinamentu ne’ebé hala’o iha Qatar ne’e, ita fiar jogadór sira sei iha kapasidade tékniku no fíziku hodi hala’o jogu amigavél kontra Kamboja,” Treinadór ne’e hateten ba Agência TATOLI iha Qatar, kinta ne’e.

Tuir oráriu Federation International Football Asosiation (FIFA) Timor-Leste sei kontra ekipa Kamboja iha loron 2 juñu ne’e.

Durante loron neen, jogadór selesaun nasionál Timor-Leste U-23 hala’o treinamentu fíziku no tátiku bola iha kampu University Qatar hodi hadia sira nia abilidade atu hala’o jogu amigavél kontra Kamboja iha 2 juñu mai ne’e.

“Dalabarak jogadór balu kondisaun di’ak hela maibé múskulu sira nian ne’e kole hela. Tanba ne’e hoba an iha bee ne’ebé ho jelu atu ajuda rekupera sira nia kole atu halao jogu ruma sira nia kondisaun bele fresku,” dehan treinadór ne’e ba Agência TATOLI iha Qatar, kuarta ne’e.

Iha biban hanesan, jogadór Armindo Coreia de Almeida, dehan hanesan jogadór sente di’ak tebes hala’o treinamentu iha Qatar tanba iha fasilidade ne’ebé modernu.

Entretantu, Médiku Jerál Servisu iha Hospital Nasionál Guidu Valadares (HNGV) ne’ebé akompaña hodi fó tratamentu médiku ba jogadór sira hala’o training camp iha Qatar, Eldegar Lopes Martins, informa  daudaun ne’e nia halo akompañamentu hela ba jogadór sira no maioria kondisaun estavél tanba konsumu ai-han nutritivu.

“Iha ne’e ai-han di’ak tebes, fatin deskansa ba sira mós di’ak hanesan susuben, naan, aifuan no seluk tan ne’ebé di’ak tebes ba sira,” nia afirma.

Selesaun nasionál sei hela iha Qatar hodi hala’o treinamentu durante loron 12 no halo preparasaun másimu atu ba hala’o jogu amigavél iha Kambola no Laos tuir kalendáriu Federation International Football Association (FIFA).

Notísia relevante: Hala’o TC iha Qatar, kapitaun selesaun nasionál U-23 agradese ba FFTL-QFA

Jornalista: Hortencio Sanchez

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here