Jogadór selesaun nasionál U-23 hala’o treinamentu ba loron daruak iha kampu futeból Qatar University. Imajen Tatoli/Hortencio Sanchez.

QATAR, 21 maiu 2022 (TATOLI)–Kapitaun ekipa selesaun nasionál U-23, Filomeno Junior da Costa, hato’o agradesimentu ba Federasaun Futeból Timor-Leste (FFTL) no Qatar Football Asosiation (QFA) ne’ebé iha kordenasaun di’ak fasilita jogadór U-23 hala’o training camp (TC) iha Qatar durante loron rua nia laran.

Notisia Relevante: Selesaun nasionál U-23 hahú treina iha Qatar

Jogadór selesaun nasionál U-23 hala’o treinamentu ba loron daruak iha kampu futeból Qatar University. Imajen Tatoli/Hortencio Sanchez.

“Ami treinu iha ne’e loron rua ona. Sente di’ak tebes hala’o treinamentu iha ne’e, iha fatin ida-ne’ebé fasilidade kompletu no kampu mós di’ak tebes. Ami aprende esperiénsia foun lubuk ida, tan ne’e ami agradese tebes ba FFTL no FFQ ne’ebé koopera hamutuk di’ak tebes hodi lori ami mai treinu iha Qatar ne’e,” Filomeno Junior da Costa Agência TATOLI iha kampu fuetbó Qatar University, sesta ne’e.

Treinamentu iha loron daruak ne’e, nafatin book an oinsá halo rekuperasaun ba jogadór sira-nia ain tanba durante jogu Sea Games ne’e sei kolen no ho viajen ne’ebé dook tebes.

“Ami, ohin, kontinua treinu rekuperasaun ba ami-nia ain, tanba iha semana kotuk ami joga iha Sea Games sente kolen uitoan. Depois viajen hosi Vietname mai Qatar ne’e distánsia dook, entaun kolen uitoan,” nia dehan.

Iha treinamentu ne’e, treinadór Fabio Maciel da Silva orienta halo pasa bola ba-mai hosi jogadór ida ba jogadór ida seluk, aprende sistema jogu balun no ikus taka ho jogu ida.

Daudaun ne’e jogadór selesaun nasionál U-23 hamutuk na’in-21 mak hala’o treinamentu iha Qatar no hosi númeru ne’e kompostu hosi Guarda Rede na’in-rua no jogadór defeza, mediu no avansadu hamutuk na’in 19.

Selesaun nasionál U-23 ne’e sei hela iha Qatar hodi hala’o treinamentu durante loron 12 hodi halo preparasaun másimu atu ba hala’o jogu amigavél ho ekipa futeból Kamboja no Laos ne’ebé sei hala’o iha Kamboja no Laos iha abríl nia laran, tuir kalendáriu ne’ebé Federation International Football Asosiation (FIFA) fó sai ona.

Notisia Relevante: Derrota iha SEA Games, Selesaun nasionál U-23 arranka ba Qatar halo jogu amigavél

Jornalista : Hortencio Sanchez

Editór      : Cancio Ximenes

PUBLISIDADE HUSI MTCIiklan

1 KOMENTÁRIU

HAKEREK NO HATÁN

Please enter your comment!
Please enter your name here