Sekretáriu Estadu Kooperativa, Elizário Ferreira. Imajen Tatoli/Francisco Sony

DILI, 24 maiu 2022 (TATOLI)—Sekretaria Estadu Kooperativa (SEKoop) kolabora ho Banku Sentrál Timor-Leste (BCTL, sigla portugés) fasilita formasaun literasia finanseira ba formadór  hamutuk na’in-45  hosi nível III no IV.

Sekretáriu Estadu Kooperativa, Elizário Ferreira, hateten, objetivu formasaun ne’e mak atu formandu sira bele apreende liu kona-ba oinsá buka, gasta, no poupa osan, hodi nune’e sai hanesan bukae ida bainhira tun baze karik bele fahe tutan ba dirijente Kooperativa sira iha área rurál.

“Ha’u husu formandu sira atu aproveita didi’ak formasaun, nune’e bele fahe tutan fali ba movimentu kooperativa sira iha baze no husu mós ba BCTL atu kontinua fasilita formasaun ho modelu hanesan ba dirijente movimentu kooperativa sira iha kada rejiaun,” governante ne’e dehan, liuhosi nota ne’ebé Agência Tatoli asesu, tersa ne’e.

Notísia relevante: SEKoop ensera formasaun espesializada ba funsionáriu públiku na’in-25

Formasaun literasia finanseira hala’o durante loron-tolu, hahú loron 23 to’o 25 maiu, iha salaun Federasaun Hanai Malu, Lanud, Bairru-Pité.

Serimónia ne’e partisipa hosi Vise-Governadóra BCTL, Nur Aini Alkatiri, Diretór Jerál Promosaun no Dezemvolvimentu Kooperativa, Francisco Xavier, Diretora Jerál Administrasaun Finansa no Planementu, Natalia Rocha da Costa, Diretora Nasionál Edukasaun, Formasaun, no Informasaun, Jacinta dos Santos, inklui formadór sira hosi BCTL.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here