Korpu Isár Badeira iha komemoraun loron restaurasaun independénsia Timor-Leste ba dala XX ne’ebé realiza iha Palásiu Prezidesiál Nicolau Lobato, Bairru Pite, sesta (20 Maiu 2022) ne’e. Imajen Tatoli/Francisco Sony.

COVALIMA, 20 maiu 2022 (TATOLI)–Komisáriu Konsellu Kombatente Libertasaun Nasionál reprezenta Munisípiu Covalima iha Nasionál, Francisco Doutel Samento “Lamesak” hateten, maske Timor-Leste restaura nia independénsia ba dala-XX ona maibé realidade povu sei kontinua halerik ba bee-moos.

Notísia Relevante: Komunidade suku Zulo Covalima la’o kilómetru ida hodi kuru bee-moos

Komisariu Konselu Veteranu reprezenta Munisípiu Covalima iha Nasional, Francisco Doutel Sarmento. Imajen Tatoli/Celestina Teles.

“Dezenvolvimentu infraestrutura iha munisípiu Covalima iha mudansa maibé ita-nia povu kontinua halerik ba bee-moos tanba distribuisaun bee-moos iha Covalima semana ida dala-rua, ne’ebé la sufisiente ba komunidade atu uza entaun komunidade tenke sosa bee-moos,” Francisco Doutel Samento “Lamesak” hateten ba jornalista sira, iha Kampu Ladi, sesta ne’e.

Hanesan veteranu no Covalima-oan, nia husu ba Governu atu haree problema ne’ebé mak komunidade enfrenta liu-liu komunidade kontinua halerik ba bee-moos.

“Ho restaurasaun independénsia Timor-Leste, ita-haree ba dezenvolvimentu infraestrura iha baze liuhosi veteranu nia esforsu iha ona mudansa kompara ho nasaun seluk iha nivél ASEAN, ita liu ona sira,” nia hateten.

Notísia Relevante: Abitante sira iha Taroman konsumu bee-mota

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here