Ekipa ONG Saúde Ba Ema Hotu (SABEH), hasai foto hamutuk ho veteranu Australianu, Returned and Service League-RSL hosi Queensland ne’ebé iha umbrella misaun Timor Awakening-TA. Imajen/ SABEH

DILI, 20 maiu 2022 (TATOLI)— Iha ámbitu komemorasaun loron Restaurasaun Independénsia Timor Leste dala-20, sesta ne’e, Organziasaun Naun Govermnetál  Saúde Ba Ema Hotu (SABEH), hala’o sorumutuk dahuluk ho veteranu Australianu, Returned and Service League-RSL hosi Queensland  ne’ebé iha umbrella misaun Timor Awakening-TA hodi diskute kooperasaun atu apoia kapasitasaun, ekipamentu médiku, aimoruk no fundu ruma.

“Timor Awakening-TA hakarak mai hamutuk ho SABEH atu oinsá lori servisu ida ne’e barak no klean liután ba ita- nia  komunidade nia presiza liuliu iha  servisu tratamentu saúde, kapasitasaun ba ita-nia doutór, enfermeira,  parteira, saúde públika ne’ebé mak sira gradua ona,  maibé  sira sei halo serbisu,” Diretór NGO SABEH)   Andrezinho Belo, hateten ba Agência TATOLI iha sede SABEH aldeia 30 agostu-Comoro, sesta ne’e.

Notísia relevante:  SABEH fó tratamentu saúde ba veteranu na’in-577 ho voluntáriu

Diretór NGO SABEH) Andrezinho Belo, ko’alia hela ekipa hosi misaun Timor Awakening-TA. Imajen/SABEH

Voluntáriu sira ne’ebé sei envolve  iha programa kapsitasaun ne’e na’in-62, kompostu hosi  Doutór, Enfermeira,  Parteira, Saúde Públika.

Kapasitasaun ne’e sei foku ba área primeira sokoru ba ema sira ne’ebé mak hetan asidente, fó asisténsia saúde di’ak ba komunidade sira iha área remota no atende kazu emerjénsia ruma  iha área sira ne’ebé mak dook hosi postu saúde,  sentru saúde ka ospitál.

Daudaun, membru SABEH na’in-125, mak durante ne’e tama sai  munisípiu liuliu área remota  hodi fó tratamentu ba  komunidade sira ho voluntáriu no gratuita.

Iha ninian website http://timoraeakening.com esplika katak programa Timor Awakeing-TA (Hafanu Timor) atu hadi’ak no reabilita veteranu Australianu ho Timorense ho edukasaun saúde, involvimento pesoál ho grupu, tratamento pastorál, akompañamentu, komemorasaun istóriku nomós seluk tan, sei hala’o vizita durante loron 11 atu haklean liutan experiénsia iha Timor Leste.

Hafanu Timor harii atu fasilita no kontribui signifikamente ba saúde no moris di’ak veteranu nasaun rua-nian, atu inspira no supporta malu, harii lasu amizade no hasa’e relasaun ne’ebé luan liután nuudar viziñu.

Misaun SABEH hala’o husi voluntáriu Médiku Timor-oan ne’ebé hakarak atu hadiak saúde no moris di’ak komunidade Timór atravessa asesu direita ba servisu saúde profesionál.

SABEH nian baze iha kapitál Dili no ekipa médiku sira voluntáriu sempre hala’o vizita ba suku no aldeia área remota no isolado liu atu fornese no supporta servisu médiku.

Notísia relevante:   SABEH Kontinua Oferese Tratamentu Saúde Bázika ba komunidade ho voluntáriu  

Jornalista: Felicidade Ximenes

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here