Grupu arte marsiál iha Covalima hatudu atrasaun hafoin ramata seimónia isár Bandeira RDTL. Imajen Tatoli/Celestina Teles.

COVALIMA, 20 maiu 2022 (TATOLI)–Prezidente Sub-Komisaun Reguladora Arte Marsiál (KRAM) Covalima, Francisco Barros, orgullu tanba membru grupu arte marsiál no arte rituál iha Covalima hatudu atrasaun anima komunidade hodi komemora loron restaurasaun independénsia Timor-Leste ba dala-XX.

Notísia Relevante: KRAM organiza artemarsiál limpeza iha Igreja Suai

“Ohin loron, ha’u orgulu boot ida liu-liu ba grupu arte marisiál no arte rituál hatudu atrasaun hodi komemora loron restaurasaun independénsia Timor-Leste ne’e sai hanesan marka istória ida iha rai Covalima,” Francisco Barros informa ba Agência Tatoli iha Kampu Ladi, sesta ne’e.

Hafoin grupu arte marsiál no arte rituál hala’o asaun dame iha nivél munisípiu iha loron sábadu (30/4) tinan ne’e, sira mós hahú iha ona amizade entre grupu arte marsiál no arte rituál iha munisípiu Covalima.

Komentadór grtupu arte marsiál Persaudaraan Setia Hati Teratai (PSHT), Miguel de Araújo hateten, hafoin Governu reativa grupu arte marsiál no arte rituál hodi hala’o hikas sira-nia atividade treinamentu nian, iha komemorasaun loron independénsia ba tinan ne’e (2022) sira hatudu atrasaun hodi anima komunidade Covalima.

“Ita-nia objetivu oinsá mak ita-bele demonstra ita-nia matéria liu-liu kona-ba jurus no tékniku sira hotu iha kampu, atu nune’e oinsá mak ita-nia komunidade bele haree hodi hatudu katak grupu artemarsiál la’ós kria inimigu maibé kria amizade entre organizasaun sira hotu,” nia dehan.

Grupu arte marsiál no arte rituál ne’ebé hatudu atrasaun iha komemorasaun loron restaurasaun independénsia mak hanesan PSHT, KORK, IKS, Padjajaran, Konfu Master, Seruling Dewata, seven-seven no karate.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here