KRAM organiza arte marsiál no arte marsiál hala’o limpeza jerál iha Igreja Ave Maria Suai. Imajen Tatoli/Celestina Teles.

COVALIMA, 29 April 2022 (TATOLI)—Komisaun Reguladora Arte Marsiál (KRAM) Munisipiu Covalima, organiza arte marsiál no arte rituál iha Covalima  hodi halo limpeza jerál iha Igreja Ave Maria Suai iha ámbitu preparasaun arte marsiál no arte rituál hala’o asaun dame iha munisípiu Covalima.  

Reprezentante Komisaun Reguladora Arte Marsiál Munisíiu Covalima (KRAM), João de Jesus informa antes hahù hala’o asaun dame entre arte marsiál no arte rituál hahú halo preparasaun hodi halo limpeza jerál.

“Antes atu hala’o asaun dame ba arte marsiál no arte marsiál ami halo preparasaun limpeja jerál iha igreja Ave Maria Suai,” João de Jesus hateten ba Jornalista sira, hafoin halo limpeza iha Igreja Ave Maria Suai, sesta ne’e. 

KRAM realiza asaun dame ho arte marsiál ho arte rituál ne’e sei realiza iha Igreja Ave Maria Suai molok atu halo asaun dame sei hahú ho misa ne’ebè sei hala’o iha sábadu (30/4) aban. 

Hafoin misa, KRAM sei organiza asaun dame hodi realiza palestra hosi KRAM Nasionàl ba arte marsiál no arte rituál sira kona-ba asaun dame refere.

Iha limpeza jerál ne’e partisipa hosi Grupu arte marsiál hanesan Korka, PSHT, Kera Sakti (IKS-PTL), Rajawali, Kongfu Master, Karate no Arte Rituál sira hanesan Colimau 2000, 77 bo 55.

Antes ne’e, iha kinta (28/4) ne’e, Governu liuhosi Ministériu Justisa legaliza ona atividade grupu arte marsiál sira hanesan Kmanek Oan Rai Klaran (Kork), Persaudaraan Setia Hati Terate (PDHT) no Ikatan Kera Sakti (IKS).

Rezolusaun Governu númeru 4/2020, 2 marsu, ne’ebé revoga tiha rezolusaun númeru 16/2013 hodi fó informasaun ba GAM tolu hanesan, Persaudaraan Setia Hati Terate (PSHT), Ikatan Kera Sakti (IKS) Timor-Leste ho Kmanek Oan Rai Klaran (KORK) bele kumpre regra sira-ne’e.

Grupu arte marsiál tolu ne’e, presiza kumpre kritériu rejistu 18 hanesan;

1.) Estatutu federasaun/organizasaun ho lian Tetun no Portugés ne’ebé aprova iha asembleia jerál;

2.) Akta kongresu federasaun ka organizasaun;

3.) Estatutu Federasaun/Organizasaun, kartaun identidade (BI, Kartaun Eleitorál no dokumentu relevante);

4.) Patrimóniu organizasaun;

5.) Atributu no materiál ne’ebé utiliza hodi pratikante arte marsiál uza durante iha fatin treinu;

6.) Mapa lokalizasaun treinu no fatin eskritóriu;

7.) Fundadór mínimu ema na’in-10 kompleta ho kartaun (BI, Kartaun Eleitorál no dokumentu relevante);

8.) Boom komportamentu treinadór ba sentru, klube no eskola ne’ebé destinu ba pratika arte marsiál;

9.) Atestadu médiku treinadór;

10.) Karta autorizasaun husi xefe suku no na’in ba rai (ba fatin treinamentu no fatin eskritóriu);

11.) Nivel sertifikadu;

12.) Foto treinadór;

13.) Totál membru tenke na’in-50 kada sentru, klube ka eskola;

14.) Baze de dadus husi membru hotu no nia responsavel iha munisípiu 12 inklui REAO;

15.) Karta afiliasaun husi federasaun/organizasaun internasionál (ba organizasaun ne’ebé mai hosi estranjeiru).

16.) Deklarasaun husi sentru, klube ka eskola atu la afilia ba partidu polítika;

17.) Deklarasaun la iha konflitu internal no externa organizasaun; no..

18.) Karta rekomendasaun husi FESTIL (ba organizasaun ne’ebé hamahon aan iha FESTIL).

Jornalista : Celestina Teles

Editór  : Cancio Ximenes 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here