Ministru Justisa (MJ), Tiago Amaral Sarmento, hala’o reuniaun dahuluk ho Prezidente ENSUL Engenharia, Alexandre Marques Couto. Imajen/Natalino Costa.

DILI,18 maiu 2022 (TATOLI)— Ministériu Justisa (MJ) liuhosi Gabinete Inspesaun no Auditória (GIA), kuarta ne’e, halo ona inspesaun no levatamentu dadus ba kompañia nasionál no internasionál ne’ebé halo kontratu arrendamentu ba uma no rai Estadu hodi obriga kumpre devér selu arrendamentu ba Estadu.

“Ami ekipa hahú tuun direta iha tereñu hodi haree no observa rai no uma Estadu ne’ebé kompaña sira uza halo negósiu, maibé ladauk selu arrendamentu,” Inspetór GIA/MJ, Lucas António da Costa ba jornalista sira iha Colmera,-Dili, kuarta ne’e.

Notísia relevante: Aban, MJ inspesiona kompañia ne’ebé la selu arrendamentu rai no uma Estadu

Inspesaun  hosi GIA ho bazeia  ba  dekretu-lei númeru 19/2004, loron 29 dezembru, kona-ba rejime jurídiku bens no imóveis. Afestasaun ofisiál no arrendamentu bens no imóveis dominu privadu do Estadu. No bazeia mós bá depaixu hosi Ministru Justisa númeru 31/2022, loron 13, maiu, kona-ba identifikasaun no kontrolu ba kontratu arrendamentu rai no uma estadu nian iha kapitál Dili.

Ekipa konjuta hahú inspesiona uma no rai Estadu hanesan kompaña Hii Pot Corporation Lda, iha Colmera inklui empreza hamutuk 83 mak aluga, maibé ladauk selu arrendamentu.

Nune’e, Ekipa Tékniku GIA kumpre orientasaun husi Ministru Justisa hodi hahú foti informasaun ka levatamentu dadus iha tereñu, hafoin aplika desizaun ruma.

“Ami atu foti informasaun no halo levantamentu no analiza, hafoin kompañia ida ne’ebé la selu arrendamentu, Ministru Justisa mak deside medida sira atu aplika ba sira,” nia afirma.

Governu liuhosi MJ deside halo inspesaun ba rai no uma Estadu ne’ebé empreza sira aluga maibé la selu arrendamentu ho objetivu atu hasa’e reseita domestika iha Timor-Leste.

“Ami iha lista katak kompaña 83 mak la selu taxa ba Estadu tanba ita haree ba kontratu balun la’o hela. Maibé  la selu tuir tempu  no balun kontratu mate, maibé  sira la halo pedidu renovasaun entaun ami ekipa tuun halo levantamentu,” nia akresenta.

Kona-ba sansaun, nia dehan seidauk deside tanba agora foku liu ba halo levantamentu dadus, bainhira ekipa halo servisu konklui ona mak hafoin dehan sansaun saida mak atu fó, maibe tenke obriga duni empreza sira atu selu arrendamentu.

Notísia relevante: Durante mandatu, MJ promete obriga investidór sira kumpre akordu arrendamentu

Jornalista : Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here