Prezidente Komisaun komemorasaun restaurasaun independénsia ba da-XX munisípiu Viqueque, Cosme Sarmento. Imajen Tatoli/Vitorino Lopes da Costa

VIQUEQUE, 17 maiu 2022 (TATOLI)—Prezidente Komisaun komemorasaun restaurasaun independénsia ba da-XX munisípiu Viqueque, Cosme Sarmento, hateten, munisípiu ne’e sei realiza ativudade tolu iha ámbitu loron nasionál ne’e.

“Munisípiu Viqueque sei reabiliza atividade tolu hanesan jogu manu-futu, jogu futeból feto no Eskola Sekundáriu 04 setembru Viqueque sei aprezenta kreatividade iha serimónia 20 maiu,”  Prezidente Komisaun hateten ba Agência Tatoli, iha ninia knaar fatin, Viqueque, tersa ne’e.

Notísia relevante: Munisípiu Viqueque prevee orsamentu $7.500 komemora restaurasaun independénsia

Jogu manu-futu hetan ona autorizasaun hosi Administradór munisípiu Viqueque, ho objetivu atu anima komunidade iha komemorasaun loron istóriku ne’e.

“To’o agora preparasaun la’o di’ak, grupu isar bandeira no Polísia sira fó ona treinamentu ba estudante Eskola Sekundáriu Calixa sira iha kampu demokrásia munisípiu Viqueque no iha loron 18 maiu hahú tau tenda iha kampu,” nia akresenta.

Tema komemorasaun loron restaurasaun independénsia tinan 2022 hosi Governu sentrál mak: “Liuhosi komemorsaun tinan 20 ba restaurasaun independénsia mai ita hametin paz no establidade hodi dezenvolve ita-nia rain Timor-Leste.”

Biban ne’e, nia husu  komunidade munisípiu Viqueque tenki halo limpeza  iha ida-idak ninia uma oin, komunidade sira ne’ebé iha animál labele husik livre no komunidade hotu iha obrigasaun dada bandeira Repúblika Demokrátika Timor-Leste (RDTL) iha ida-idak ninia uma oin.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here