MTKI lansa feira nasionál hodi komemora loron restaurasaun indepedénsia Timor-Leste ba dala-XX, iha CCD, segunda (16/05). Imajen/MTKI

DILI, 17 maiu 2022 (TATOLI)–Governu liuhosi Ministériu Turizmu Komérsiu no Indústria (MTKI), segunda (16/05) kalan, halo lansamentu feira nasionál, iha Sentru Konvensaun Dili (CCD, sigla portugés) hodi komemora loron restaurasaun indepedénsia Timor-Leste ba da-XX iha loron 20 maiu 2022.

Ministru Turizmu Komérsiu no Indústria, José Lucas do Carmo da Silva, konsidera feira nasionál ne’e ho objetivu atu dezenvolve no introdús merkadu setór produtivu sira iha área turizmu, komérsiu no indústria, inklui agrikultura no kooperativa. 

“Feira ne’e fó oportunidade ba vendedór hodi bele halo promosaun no vende direita produtu ba merkadu, no hanesan atividade promosaun ida hodi bele promove no dezenvolve ekonomia ida ne’ebé metin bazeia ba produsaun no produtividade, hodi garante bem estar povu Timor-Leste nian iha setór ekonomia,” Ministru hateten iha ámbitu seremónia abertura feira nasionál, hanesan haktuir iha nota komunikadu ne’ebé Agência Tatoli asesu, tersa ne’e.

Notísia relevante: MTKI realiza feira ámbitu restaurasaun independénsia ba da-XX hahú 16 maiu

Aleinde ne’e, feira hanesan ponte ida atu hamosu jerasaun potensiál, kreativu no inovativu atu diversifika ekonomia Timor-Leste nian. Tanba ne’e, feira sai mos fatór ida ba prosesu dezenvolvimentu ekonomia Republika Demokrátika Timor-Leste tuir Konstituisaun artigu 135.

Produtu sira ne’ebé aprezenta iha feira nasionál mak hanesan, arzenatu, agríkola, no seluk tan.

Eventu ne’e partisipa hosi Ministra Negósiu Estranjeiru no Kooperasaun, Adaljiza Magno, Ministru Petróleu no Minerál, Victor da Conceição, no membru Governu seluk inklui korpu diplomátiku sira.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here