Produtu lokál artezenatu. Imajen Tatoli/Francisco Sony

DILI, 26 abril 2022 (TATOLI)—Ministériu Turizmu Komérsiu no Indústria (MTKI) liuhosi Sekretariadu Diresaun Jerál Turizmu sei responsável organiza feira iha ámbitu restaurasaun independénsia ba da-XX iha loron 20 maiu 2022.

“Ita-nia feira ne’e, sei hala’o iha Sentru Konvesaun Dili (CCD, sigla portugés) hahú iha loron 16 to’o 20 maiu, hahú tuku 08:00 dadeer to’o 00:00 kalan,” Koodenadór Jerál feira no atuál Diretór Jerál MTKI, Jelino Soares, informa ba Agência Tatoli, via telefónika, tersa ne’e.

Notísia relevante: MAE-MTKI lansa feira nasionál iha Liquiça

Nune’e, parte ministériu hahú publika ona eventu iha pájina ofisiál, nune’e negosiante kiik, restaurante, grupu artezenatu, grupu fa’an ai-funan, no seluk tan ne’ebé interese partisipa feira bele rejista no priexe formuláriu partisipante, hahú loron rejistu 26 abril to’o 04 maiu 2022, hahú tuku 09:00 to’o 16:30, iha MTKI, Farol

“Ami-nia preparasaun, mak hahú públika ona atu negosiante sira ne’ebé mak atu partisipa bele aprezentasira-nia produtu lokál iha feira ne’e. Bele mai foti formuláriu iha ami-nia fatin tanba fatin limitadu, ami sei fó prioridade ba sira ne’ebé mai rejistu tuir data determina,” nia akresenta.

Produtu ne’ebé atu aprezenta iha feira ne’e depende ba grupu sira ne’ebé rejista ona, maibé MTKI tau imprtánsia ba produtu lokál hanesan arzenatu, produtu agríkola no seluk tan.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here