Merkadu produtu lokál iha loja Lita Store nia oin, Bidau Lecidere, kuarta (10/11/2021). Imajen Tatoli/Francisco Sony

DILI, 16 maiu 2022 (TATOLI)—Primeiru-Ministru (PM), Taur Matan Ruak, aprezenta Projetu Dekretu-Lei iha reuniaun Konsellu Ministru (KM) estraordinária, segunda ne’e, kona-ba obrigatoriedade atu sosa produtu ai-han lokál iha ámbitu kontratasaun públika.

“Diploma ne’ebé hetan ona aprovasaun ne’e estabelese katak administrasaun direta no indireta Estadu iha obrigatoriedade atu sosa pelumenus sasán ne’ebé prodús iha Timor-Leste 75%, iha ámbitu operasaun kontratasaun públika ba ai-han konsumu ema nian,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha Palásiu Governu.

Notísia relevante: Governu tau importánsia dezenvolve setór agrikultura

Objetivu hosi medida hirak ne’e maka atu garante katak uma-kain sira ne’ebé mak ekonómikamente no sosialmente mukit tebes sei la lakon asesu ba ai-han no rezultadu aumentu signifikativu presu produtu.

“Ho forma ne’e, Estadu propoin atu ezekuta konjuntu medida ne’ebé aumenta konfiansa ba operadór ekonómiku sira, liuliu ba agrikultór sira, atu aumenta produsaun nasionál ba produtu agríkola sira,” Portavóz Governu akresenta.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here