Diretór Ezekutivu Asian Justice and Rights (AJAR), José Luis Oliveira. Imajen Tatoli/Francisco Sony.

DILI, 14 maiu 2022 (TATOLI)—Diretór Ezekutivu Asia Justice and Right (AJAR), José Luis Oliveira, hateten baze aba rezultadu peskiza kona-ba Impunidade no Violénsia Hasoru Feto, AJAR rekomenda ba SEII atu dezenvolve asuntu jéneru iha ministériu hotu-hotu.

Notísia Relevante: Peskiza kona-ba violénsia hasoru feto, AJAR deskobre pontu importante 10

“Ida-ne’e ami hanoin esforsu hodi dezenvolve katak asuntu jéneru ne’e la’ós inkluzivu de’it iha SEEI, tanba buat ida abordajen ne’e tenke mosu iha ministériu hotu-hotu no tenke iha igualdade jéneru,” José Luis Oliveira hateten ba Agência TATOLI, iha nia knar fatin Palpaso, Dili, tersa (10/05) ne’e.

Tanba, asuntu ne’e tenke servisu hamutuk ho Ministériu Eduksaun Juventude no Desportu (MEJD ho Ministériu Administrasaun Estatál (MAE) liu-liu ho autoridade lokál sira hodi oinsá halo mós prevensaun no kombate violénsia hasoru feto no labarik feto, nomós ba edukasaun formál atu haburas igualdade jéneru no direitu umanu iha eskola sira.

Ne’eduni AJAR husu ba SEII tenke koordena hamutuk ho MEJD atu dezenvolve di’ak liután hodi prevene violénsia doméstika iha rai ida-ne’e.

“Tanba dala barak, ha’u partisipa mós iha revizaun kuríkulu nota katak materia kona-ba hanorin igualdade jéneru, seksualiedade iha kurríkulu ne’e iha maibé ita-nia profesór sira mak lahanorin no dala ruma mós la’ós sira lakohi hanorin maibé tanba sira lahatene,” nia dehan.

Aleinde ne’e, Ministériu Solidariedade Sosial no Inkluzaun mós koodena ho rede referrál sira iha munisípiu no rede referrál barak seidauk efetivu, tanba balun funsiona de’it nivel munisípiu no to’o agora iha nivel suku seidauk funsiona ho di’ak.

“Ohin, ha’u dehan Covalima mak sai referénsia ba munisípiu tanba rede referrál sira iha Suai atende vítima sira ho kapaas. Nune’e, atu dezenvolve no servisu hamutuk ho rede referrál no iha ne’ebá mós iha polisia no Organizasaun Naun Govermentál (NGO) ne’ebé ba asuntu kombate violénsia. Ida-ne’e PRADET mak tau matan ba trauma psikolojia hodi halo konselling ba vítima sira,” Luis hateten.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here