Primeira-Ministra interina no atuál Ministra Solidariedade Sosiál no Inkluzaun, Armanda Berta dos Santos, lidera reuniaun Konsellu Ministru, iha Palásiu Governu. Imajen Tatoli/Francisco Sony

DILI, 13 maiu 2022 (TATOLI)–Governu liuhosi reuniaun Konsellu Ministru (KM) estraordinária, sesta ne’e, delibera atu autoriza loke prosedimentu aprovizionamentu ida ho tipu konkursu públiku internasionál, ba adjudikasaun kontratu ida ba reabilitasaun estrada munisipál hosi Laga no Baguia.

“Estrada ne’ebé atu reabilita ho naruk kilómetru 38,03 no valór globál ne’ebé estima maka $ 22.366.181,74, orsamentu ne’e mai hosi fundu infraestrutura,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu, sesta ne’e.

Notísia relevante: KAFI aprova projetu estrada trosu Laga ba Baguia ho km 38.03

Objetivu hosi obra reabilitasaun estrada ne’e maka hodi garante asesibilidade no dezenvolvimentu ekonómiku nasaun.

“Prosesu aprovizionamentu la’o ona, no manán-na’in sei hahú konstrusaun ba estrada munisipál refere,” governante ne’e subliña.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here