Imajen espesiál

DILI, 06 maiu 2022 (TATOLI) – Konsellu Administrasaun Fundu Infraestrutura (KAFI), delibera no aprova despeza no implementasaun projetu estrada trosu postu administrativu Laga ba Baguia Munisípiu Baucau ho kilometru (Km) 38,03.

Bazea ba nota ne’ebé Agência Tatoli asesu sesta ne’e, projetu refere aprova hosi reuniun ne’ebé vise-primeiru ministru no Ministru Planu no Ordenamentu, José Maria dos Reis, nu’udár Prezidente Konsellu Administrasaun Fundu Infrastrutura (KAFI) prezide reuniaun ho membru KAFI mak aprova.

Aprovasaun KAFI nian ba despeza no implementasaun Projetu Fundu Infraestrutura, hodi tuir mai bele aprezenta ba Konsellu Ministru atu aprova modalidade aprovizionamentu, no autorizasaun hodi bele inisia prosesu aprovizionamentu tuir dekretu lei 10/2005 ne’ebé sofre alterasaun dahitu ona.

Membru KAFI sira ne’ebé partisipa iha reuniaun KAFI, mak hanesan,  Ministru Finansas (MF), Rui Gomes, Ministru Obras Públikas (MOP), Abel Pires, Ministru Transporte no Telekomunikasaun (MTK), Jose Agostinho da Silva, Diretora Ezekutiva Sekretariadu Grande Projetu, Odete da Costa Vitor, Diretór Konsellu Nasionál Aprovizionamentu (CNA, sigla portugés), Hermingardo Albano Sores, Adjunto Diretór Ajénsia Dezemvolimentu Nasionál Institutu Públiku (ADN, I.P. Januario Guterres, asessora legál MPO, ho ekipa tékniku husi Ministériu Obras Públika.

Jornalista : Arminda Fonseca

Editór : Zezito Silva.

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here