Prezidente Parlamentu Nasionál (PPN), Aniceto Longuinhos Guterres Lopes. Imajen TATOLI/Francisco Sony.

DILI, 12 maiu 2022 (TATOLI)—Prezidente Parlamentu Nasionál, Aniceto Longuinhos Guterres Lopes, informa Parlamentu Nasionál submete ona proposta Orsamentu Retifikativu ba Prezidente Repúblika (PR) tuir kompeténsia ne’ebé iha atu bele promulga ka veta.

Notísia Relevante: PN aprova proposta Orsamentu Retifikativu biliaun $1,2 iha finál globál

“Orsamentu Retifikativu horisehik plenária Parlamentu Nasionál aprova no komisaun C halo relatóriu paresér ne’ebé horisehik lorokraik submete kedas ba Prezidente Repúblika,” Aniceto Guterres Longuinhoa Guterres Lopes hateten ba jornalista sira iha Parlamentu Nasionál, kinta ne’e.

PN aprova iha finál globál Proposta Lei númeru 38/V (4ª)–kona-ba Alterasaun Dahuluk Lei númeru 1/2022, 3 Janeiru, Orsamentu Jerál Estadu 2022, ho montante totál $1,241,210.748.

Ho aprovasaun OJE Retifikativu 2022 ne’e, lori mudansa iha dotasaun orsamentál, ezemplu, reseita globál konsolidada sa’e ba $3,348,070.979, enkuantu despeza globál konsolidada $3,347,457.179.

Orsamentu órgaun no servisu administrasaun sentrál  hetan aumentu $1,241,210.748 no ninia totál agora sa’e ba #3,100,688.695, ne’ebé fahe tuir kategoria klasifikasaun ekonómiku hanesan transferénsia públika ho montante $1,950,982.687, bens no servisu ho montante $467,077,382, kapitál dezenvolvimentu  $390,177,399, saláriu no vensimentu  $250,537.130 no kapitál menór  $41,914.097.

Atu finansia OJE Retifikativu 2022, Parlamentu Nasionál mós autoriza Governu atu halo levantamentu hosi fundu mina-rai ho montante biliaun $2,55 no transferénsia liu Rendimentu Sustentável Estimadu (RSE) biliaun $1,99.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here