Ofisiál membru PNTL halo operasaun iha kapitál Dili, kinta (17/3). Imajen TATOLI/António Dasiparu.

DILI, 12 maiu 2022 (TATOLI)— Vise Ministru Interiór, Antonio Armindo hamutuk hoKomandante Jerál Polísia Nasionál Timor-Leste (PNTL), Faustino da Costa, kinta ne’e, hahú diskute estratéjia fó seguransa ba bainaka espesiál hosi rai liur ne’ebe mai partisipa seremónia  investidura  Prezidente Repúblika eleitu no  komemorasaun Restaurasaun Independensia ba dala-20 iha Tasi-Tolu.

“Ha’u partisipa direita enkontru planu ba seguransa seremónia investidura  Prezidente Repúblika foun no komemorasaun loron restaurasaun dala-20 nian iha loron 20 maiu no estratéjia atu fó seguransa ba bainaka espesiál sira liulu Xefe Estadu no Xefe Governu hosi rai li’ur,” Vise Ministru Interiór, António Armindo, hateten ba jornalista iha Timor Plaza, kinta  ne’e.

Notísia Relevante: Horta sei konvida eis Prezidente Amérika-Portugal partisipa serimónia toma pose

Governu liuhosi MI oferese ona karreta 10 no sei aluga tan 40 atu fasilita membru sira fó seguransa ba bainaka espesial sira ne’ebé mai partisipa seremónia importante ne’e.

Tanba tuir lista ne’ebé PNTL simu katak bainaka espesial ne’ebé sei partisipa seremónia mak Prezidente Repúblika Portugál, Governadór Austrália, Primeiru Ministru Nova-Zelandia, Primeiru Ministru Kamboja, Hun Sen, Vise Primeiru Ministru Vietname, Reprezentante Prezidente Indonézia mak Ministra Negósiu Estrajeiru Indonézia Retno Marsudi, Reprezentante G7+ no Eis Sekretáriu Jerál ONU.

Iha biban hanesan, Komandante PNTL, Komisáriu Faustino da Costa, hateten PNTL prontu fó seguransa ba bainaka espesiál sira hosi rai-li’ur iha serimónia investidura Prezidente Repúblika eleitu, José Ramos Horta, iha 19 maiu 2022.

“Ita diskute planu operasaun hahú hosi chegada alta entidade hosi nasaun li’ur sira ne’ebé atu partisipa seremónia investidura Prezidente Repúblika foun no komemorasaun loron restaurasaun ba dala-20,” nia afirma.

Notísia Relevante: PNTL-MAE hala’o preparasaun seguransa ba serimónia toma pose PR foun

Jornalista : Natalino Costa

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here