Traballadór timor-oan sira prepara atu pasa revista dokumentu no sasán iha Aeroportu Comoro molok arranka ba Koreia Súl, kuarta (11/05). Imajen/SEFOPE

DILI, 11 maiu 2022 (TATOLI)–Governu liuhosi Diresaun Nasionál Empregu Exteriór (DNEE) hosi Sekretaria Estadu Formasaun Profisionál no Empregu (SEFOPE), kuarta ne’e, haruka tan traballadór timor-oan na’in-87 ba serbisu iha Koreia Súl.

Traballadór hirak ne’e hosi sai hoai Aeroportu Internasionál Prezidente Nicolau Lobato, Comoro, Dili, iha oras 13:30 ho aviaun Citilink, ne’ebé sei halo tránzitu iha Malázia no Singapura, no iha loron 12 maiu 2022 maka tun iha Aeroportu Incheon, Koreia Súl.

Diretór Diresaun Nasionál Empregu Exteriór, Filomeno Soares, enkoraja traballadór sira hodi hatudu komportamentu di’ak durante serbisu tanba reprezenta nasaun.

“Antes imi ba, imi rasik rona mensajen furak hosi ita-nia Primeiru-Ministru, Taur Matan Ruak ne’ebé fó ona hanoin ba imi katak serbisu no buka adapta-an ho kultura lokál no importante liu disiplina hodi manán esperénsia, tanba ne’e imi labele ses-an hosi sistema, nune’e ita nafatin hetan oportunidade,” Diretór hateten iha Aeroportu Internasionál Comoro.

Notísia relevante: Taur husu traballadór Timoroan hatudu komportamentu di’ak iha Korea Súl

Aleinde ne’e, Dirijente ne’e husu traballadór sira atu mantein  kontaktu ho família no jere osan ho di’ak, nune’e bainhira fila mai Timor-Leste bele hadi’a ekonomia família no hasa’e kresimentu ekonómiku rai-laran, tanba traballadór maka sai eroi ba prosesu dezenvolvimentu nasaun.

Jornalista : Arminda Fonseca

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here