Sentru agro-komérsiu indústria, área Raitahu, suku Uma-uain kraik, postu Viqueque vila, munisípiu Viqueque. Imajen Tatoli/Vitorino Lopes da Costa

VIQUEQUE, 11 maiu 2022 (TATOLI)—Diretór Servisu Ministériu Agrikultura no Peska (MAP), Carlos Pinto, informa, rezultadu produsaun iha sentru agro-komérsiu indústria, área Raitahu, suku Uma-uain kraik, postu Viqueque vila, munisípiu Viqueque, sei kolleta produtu agríkola iha fulan-juñu.

“Ita hahú halo kolleta dahuluk ba produtividade rua maka hanesan melánsia no tomante. Produtu ne’ebé besik kolleta ne’e iha rai ektare, ne’ebé estudante Israel mak tau-matan ba sentru,” Diretór hateten ba Agência Tatoli, iha ninia knaar fatin, kuarta ne’e.

Daudaun ne’e, antigu alunu timor-oan ne’ebé antes ne’e halo estudu iha Israel kontinua halo manu luan no restaurante iha sentru agro-komérsiu Raitahu.

“Ha’u husu nafatin ba estudante sira hodi hala’o serbisu ho di’ak hodi hasa’e produtividade iha sentru agro-komérsiu iha Raitahu tanba Governu investe ona orsamentu,” nia akresenta.

Notísia relevante: Atividade iha sentru agro-komérsiu Raitahu Viqueque hahú dezembru ne’e

Orsamentu ne’ebé Governu investe iha agro-komérsiu Raitahu hamutuk $650.000 hodi instala atividade hanesan re-florestál, indústria kiik, pekuária, peska, ortikultura no plantasaun.

“Ezekusaun orsamentu ne’e daudaun ne’e gasta ona hira, ha’u ladún hatene tanba MAP nasionál hatene no ami hanesan akompaña ba implementasaun programa ne’e,” nia dehan.

Daudaun ne’e, okupa ona rai kuaze ektare 100 iha área Raitahu hodi implementa programa  neen.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here